जीवनशैली

दैनिक आधा घण्टा पैदल हिँड्दा स्वास्थ्य लाभ

कोरोना संक्रमणको कारण अहिले सार्वजनिक यातायात सुरक्षित छैन । भिडभाड हुने सार्वजनिक यातायातभित्र भौतिक दूरी कायम राख्न पनि संभव हुँदैन । यस्तो बेला धेरैको निम्ति सजिलो विकल्प बनेको छ, पैदल हिँड्नु । खासगरी नजिकका गन्तव्यसम्म आउजाउ गर्नका लागि पैदल हिँड्नु नै सर्वोत्तम उपाय हो । यसले क्षणिक रुपमा हामीलाई कोरोनाबाट सुरक्षित राख्ने मात्र होइन, दीर्घकालिन रुपमा स्वास्थ्य लाभ पनि मिल्छ ।

तर, अहिले हामी धेरै सुख सुविधा खोज्न थालेका छौं । पाँच मिनेटको गन्तव्यसम्म पुग्न पनि गाडी चढ्नुपर्ने बानी भइसकेको छ । कतिपयलाई त हिँड्नै जाँगर चल्दैन । सागसब्जी किन्नदेखि सामान्य कामकाजका लागि घरबाट निस्कनसाथ गाडी चढ्ने बानी परेका हामी अहिले रोगी बन्दैछौं । एकातिर ऐशआरमपूर्ण जीवन, अर्कोतिर खराब खानपान । जीवनशैलीकै कारण उच्च रक्तचाप, मधुमेहदेखि क्यान्सरसम्मका रोगहरुले गाँज्न थालेको छ ।

Comment here