परीक्षाको अन्यौलताले तनावमा त्रिविका विद्यार्थी

वार्षिक परीक्षा दसैँपछि, सेमेस्टर प्रणालीको अनलाइनबाट गर्नेबारे छलफल तीव्र

कोरोना संक्रमण तथा जारी निशेधाज्ञाकाबीच पढाई तथा परीक्षा दिनबाट बञ्चित विद्यार्थीहरु यतिबेला तनाव र चिन्तामा छन् । विश्वविद्यालय तहमा अध्ययन गरिरहेका विद्यार्थीहरु बेला बेला त्रिभुवन विश्वविद्यालले जारी गर्ने सूचनाका कारण पनि अन्यौल र तनावमा छन् ।

विद्यार्थी कर्मा ल्हामो गुरुङले सामाजिक सञ्जाल फेसबुकमा लेखेका छन्, ‘भदौमा परीक्षा लिने भनेर त्रिविले सूचना निकाल्यो, विद्यार्थीहरु गाउँबाट फर्किनुप-यो । अहिले फेरी पनि दसैँअघि परीक्षा लिने भनेको छ तर अवस्था यस्तो छ ।’