पार्टीको नेतृत्व युवा वर्गको हातमा हुनुपर्छ: उपसभापति निधि

जनकपुरधाम । नेपाली कांग्रेसका उपसभापति एवं पूर्व गृहमन्त्री विमलेन्द्र निधिले अबको पाँच वर्षपछि पार्टीको नेतृत्व युवा वर्गको हातमा हुनुपर्ने आवश्यकता जनाएका छन् । नेपाली काँग्रसको १४औं महाधिवेशनबाट पार्टीको नेतृत्व युवाहरुको हातमा जाने विश्वास व्यक्त गर्दै नेता निधिले भने, ‘ नयाँ पुस्तालाई नेतृत्व हस्तान्तरण गर्नुपर्छ अन्यथा पार्टीलाई उर्जावान राख्न सकिन्न । आइतबार दसैंको अवसरमा शुभकामना आदानप्रदान तथा कार्यकर्ता भेलामा पुख्र्याैली गाउँ धनुषाको नगराईनमा सम्बोधन गर्दै नेता निधिले सभापतिमा आफुलाई सहयोग गर्न आग्रह गरे । ‘ सभापतिमा लड्न गईरहेको छु, उनले भने–‘तपाईहरुको साथ सहयोग र समर्थन आवश्यक छ ।’धनुषा निर्वाचन क्षेत्र नम्बर ३ मा चार वटा पालिका र ३८ वटा वडाहरुमा आपसी समझदारी , सौहार्दपुर्ण वातावरण तथा निर्विरोध निर्वाचन सम्पन्न गर्न नेता कार्यकर्ताहरुलाई नेता निधीले आग्रह गरे ।