Uncategorized

बलात्कार रोक्न मृत्युदण्ड नै अन्तिम अस्त्र होइन

जनमुखी राजनीति गर्दा हामीले राजनीति थाल्दा नै जनतन्त्र घरबाट सुरु हुनुपर्ने नारा अगाडि सारेका थियौँ । आधा हिस्साको नारी जगतको उत्थान नभई सिङ्गो समाजको विकास हुन सक्दैन । समाज अपाङ्ग हुन जान्छ । त्यसैले जनतन्त्र आफ्नो घरबाटै थाल्नुपर्छ भन्ने उद्देश्य थियो । हाम्रा जनमुखी नारा ०३७÷३८ सालतिर यस्तो थियो ः

सम्पत्तिमा मालिक चाहिँ पुरुष मात्र हुने, घरमा यस्तो व्यवस्था चलाउने गरेर आधा समाज होच्चियो । होच्चिएका आमा जातिको गर्भमा बसेर, काखमा हुर्केर, दूध चुसेर हुर्किएका सन्तान हामी होच्चिएका नै भयौँ । त्यसैले आमा जातिलाई सम्मान गर्ने, सबल बनाउने, सक्षम पार्ने काम आजबाटै थालौँ । वीर सहासी सन्तान बनौँ ।” यही सिद्धान्तका आधारमा नारा लगायौँ, गाउँ गाउँमा– ‘नारी शिक्षा मातृ शिक्षा हुनेछ ।’ ‘छोराछोरी पढाउने जिन्दावाद, छोराछोरी नपढाउने मूर्दावाद !’ ‘दिउँसो नभ्याउनेले बिहान पढाऔँ !’ ‘छोरी नपढाउने बाबुआमा मूर्दावाद !’ । यही नाराका बीज आज विस्तारै फैलिएर हुर्केर यहाँ आइपुगेका छौँ । नारी उत्थानका काम सुरु भएको छ । प्रगतितर्फ नै छ । अझै नारी उत्थानका निम्ति शिक्षामा, रोजगारीमा, सम्पतिमा पर्याप्त ध्यान जान सकेको छैन । राज्यको ध्यान त्यता जाँदा बलात्कार जस्तो जघन्य अपराध पनि घट्दै जान्छ ।

Comment here