स्वास्थ्य

भियाग्राले दृष्टिदोष !

काठमाडौँ — इरेक्टाइल डिस्फङ्सन (पुरुषको लिङ्ग उत्तेजनामा समस्या) लाई सुधार गर्न अर्थात् यौनआनन्द बढाउन भियाग्रा उपयोग गरिहेकाहरु दृष्टिदोषको सिकार हुन सक्ने एक अध्ययनले देखाएको छ । 

यो अनुसन्धान ‘फ्रन्टियर इन न्युरोलोजी’ मा प्रकाशित छ । अध्ययनअनुसार, भियाग्राको उपयोग गर्नेहरूले सुरुमा हलुका मात्रा नै लिनुपर्छ । यसपछि आवश्यकताअनुसार, यसलाई विस्तारै विस्तारै बढाउन सकिन्छ । भियाग्राको उच्च मात्रा प्रयोग गर्नाले मानिसका आँखा खराब हुन सक्छन् ।

भियाग्राले गर्दा आँखा खराब हुने यो समस्यापछि रंगलाई सही पहिचान गर्न नसक्ने (कलर भिजन) समस्यासम्म हुन्छ । केही मामिलामा अन्धोपनको समेत सिकार हुन सक्छन् । अध्ययनअनुसार विशेषज्ञको सल्लाह नलिई सेक्स, एन्जाइटी र इरेक्टाइल डिस्फङ्सनको उपचारका लागि भियाग्रा उपयोग गर्नेहरूलाई यस्तो समस्या देखिन सक्छ ।

Comment here