राष्ट्रपतिको निर्वाचन समयमै गर्न कांग्रेसको माग, संसदका सबै दलसँग समर्थन माग्ने

काठमाडौं । नेपाली कांग्रेसले राष्ट्रपतिको निर्वाचन समयमै गर्न माग गरेको छ ।पार्टी सभापति शेरबहादुर देउवा निवास धुम्वाराहीमा बसेको पदाधिकारी तथा पूर्वपदाधिकारी बैठकले राष्ट्रपतिको निर्वाचनका लागि कानुनी समस्या भए हटाएर तत्काल गर्न सरकार र निर्वाचन आयोगलाई ध्यानकर्षण गरेको हो ।निर्वाचनका लागि संसदमा रहेका अन्य दलहरूसँग छलफल गरेर अघि बढ्ने निर्णय गरेको प्रवक्ता प्रशकाशरण महतले बताए । उनले माघ २९ गतेभित्रै राष्ट्रपतिको चुनाव गर्नुपर्ने बताए ।उनले भने, ‘माघ २९ गतेभन्दा पनि उता लान खोजेको चर्चा सुनेका छौं । त्यसलाई हामी कुनै हालमा पनि स्वीकार्दैनौं ।’संसदमा रहेको सबै दलहरूसँग कांग्रेसका राष्ट्रपतिको निर्वाचनको लागि समर्थन माग्ने बताए ।नेता शशांक कोइरालाले पनि राष्ट्रपति निर्वाचनमा कांग्रेसको उम्मेदवार हुने बताए ।उनले भने, ‘कांग्रेसले राष्ट्रपतिको निर्वाचनमा उम्मेदवारी दिन्छ । त्यसबारे हामी सत्ता गठबन्धन र बाहिरका दलहरूसँग छलफल गर्छौं ।’साभार : नेपाल प्रेस