समाज

सर्लाहीमा खोप लगाउन विद्यालय खुला

सर्लाही । कोरोना भाइरसको सङ्क्रमणबाट बालबालिकालाई जोगाउन सर्लाहीका विद्यालयमा खोप कार्यक्रम सञ्चालन हुने भएको छ । छात्रछात्रालाई कोरोनाविरुद्धको मोडर्ना खोप लगाउन आजदेखि माघ २१ गतेसम्म पाँच दिन विद्यालय खुला हुने भएको हो । डिसिसिएमसीको बैठकले १२ देखि १७ वर्ष उमेरका विद्यार्थीलाई मोर्डना खोपको दोस्रो डोज लगाउन पाँच दिन विद्यालय खोल्ने निर्णय भएको प्रमुख जिल्ला अधिकारी थानेश्वर गौतमले जानकारी दिए । उनका अनुसार विद्यालयका पठनपाठन भने माघ मसान्तसम्म नै बन्द हुने छ । जिल्लामा एक लाखभन्दा बढी विद्यार्थीले मोर्डना खोपको पहिलो डोज लगाएका छन् । सबै पालिकामा  खोप लगाइने जिल्ला जनस्वास्थ्य कार्यालयका प्रमुख डा. नवलकिशोर झाले बताए ।डिसिसिएमसीको बैठकले कतिपय निजी विद्यालयले अहिले पनि पठनपाठन गराइराखेकाले यसमा निगरानी गर्ने, आमसभा, जुलुस, भेला तथा धेरै मानिस भीडभाड हुने कार्यक्रम अर्को व्यवस्था नहुञ्जेल सञ्चालन नगर्नेसमेत निर्णय गरेकोे प्रजिअ गौतमले जानकारी दिए ।जिल्लाका सामुदायिक विद्यालयमा १२ देखि १७ वर्ष उमेर समूहका ८८ हजार नौ विद्यार्थी रहेका शिक्षा विकास तथा समन्वय एकाइ सर्लाहीका निमित्त प्रमुख सुनिल कुशवाहले बताए । उनका अनुसार जिल्लाका सामुदायिक, संस्थागत, धार्मिक तथा अन्य विद्यालय गरी कूल ६७५ विद्यालयले आफ्ना विद्यार्थीले खोप लगाउन फारम भरेका र सोहीअनुसार खोप लगाइने छ । साभार : कोसी अनलाइन


Comment here