खेलको महत्व र स्थानीय सिकाई सामाग्रीको उपयोग संम्वन्धि तालिम सम्पन्न

9 महीना पहिले प्रकाशित

Smrititimes

जनकपुरधाम
कार्तिक १ गते ।
अभिभावक शिक्षा संचालनको लागि सबैलामा ३ दिने प्रारम्भिक बालविकासको खेलको महत्व र स्थानीय सिकाई सामाग्रीको उपयोग संम्वन्धि तालिम सम्पन्न भएको छ । प्लान इन्टरनेशनल नेपालको साझेदारीमा जानकी महिला जागरण समाजले संचालन गरिरहेको सशक्त वालिका परियोजना(जीएसएस) ले प्रारम्भिक वाल विकास र संरक्षणको विषयमा काम गर्दै आएको छ ।
सबैला नगरपालिकाको वडा नं. ९,१०,११ र १३ तथा शहीदनगर नगरपालिकाको वडा नं. ७ मा यो कार्यक्रम संचालित छ । उक्त तालिममा सबैला नगरपालिकाको ४ वटा वडाको महिला स्वास्थ्य स्वयम सेविका, स्वास्य कर्मिहरु, जानकी महिला जागरण समाज र सपोर्ट नेपालको फिल्ड सुपरभाइजरहरु ३९जनालाई प्रदान गरिएको छ । तालिममा सेतो गुराँस राष्ट्रिय बाल विकास सेवाको बरिष्ट तालिम अधिकृतरमा थपलियाले सहजीकरण गर्नुभएको थियो ।
स्थानिय सामाग्रीहरु पराल,भुसी, कागज र स्थानिय बजारमा सस्तोमा पाईने कपडा, सियो धागो लगायतको सामाग्री बाट विभिन्न सामानहरु निर्माण गरिएको थियो । विभिन्न आकार र रंगहरुमा कपडा सिलाएर सामाग्री निर्माण गर्न सिकाईयो । त्रिभुज,चतुर्भुज, रिङ,मmुमर,चरा लगयतका सामागी सबै सहभागिले तयार गरे । आगामि नोभेम्वर महिनामा आ आफ्नो कार्यक्षेत्रको अभिभावक समुहमा खेल सामाग्री निर्माण र यसको महत्व सम्वन्धि कक्षा महिला स्वास्थ्य स्वयमसेविकाहरुबाट संचालन गरिने कार्ययोजना निर्माण गरिएको छ ।
समुदायमा अभिभावक शिक्षा सम्वन्धि २० वटा कक्षाहरु ५० बटा समुहमा संचालन भै सकेका छन र अव यो मअिना २ वटा कक्षाहरु सबै समुहमा संचालन गरिने कार्यकम अधिकृत खगेन्द्र दहालले बताउनु भयो । तालिम कार्यक्रमको समापन समारोहमा सबैला नगरपालिकाको स्वास्थ्य संयोजन गुलेस्वर गरेरीले वजारमा पाईने बाल खेलौनाहरु पलास्टिक,केमिकल,व्याट्रि आदिको प्रयोग गरेर बनइएकाले बच्चाहरुमा जोखिम र फजुल खर्च हुने हुनाले अभिभावकहरुलाई स्थानिय सामाग्री निर्माण र प्रयोगमा प्रोत्साहन गरिने बताउनु भयो । उपमेयर रहिमा खातुनले यस्ता कार्यक्रमले समाजमा बालबालिकाको हुर्काइमा राम्रो प्रभाव पर्ने बताउनु भयो । जानकी महिला जागर समाजको अध्यक्ष मन्दा कुमारी कर्णले बालबालिकाको सर्वाङिण विकासमा खेलको महत्व रहेकाले स्थानिय सामाग्रीको सदुपयोगमा जोड दिनुपर्ने बताउनु भयो ।