नेपालमा बाहुन क्षेत्रीमा महिला हिँसा बढ्दै

2 घन्टा पहिले प्रकाशित

Smrititimes

जनकपुरधाम,
मंसिर १४ गते ।
जनकपुरधाममा आइतबार आयोजित एक कार्यक्रममा देखाइएको तथ्यांक अन्ुसार मधेश प्रदेशमा बाहुन क्षेत्री समुदायमा महिला हिँसामा बृद्धि भएको पाइएको छ । नेपाल भरीमा मधेशी महिलामा लैँगिक हिँसा बढेको जनाइएको छ । १६ दिने लैँगिक हिँसा विरुद्धको दिवसका अवसरमा प्रत्येक वर्ष झै यो वर्ष पनि ओरेक नेपालले सार्वजनिक गरेको तथ्यांक अनुसार उक्त जानकारी दिइएको छ । पिपुल इन निड, ओरेक,महिला मानवअधिकार रक्षक संजाल, इडिआरसी तथा हामी दाजु भाई नामक संस्थाको संयुक्त आयोजनामा लैँगिक हिँसा रोकथाम तथा प्रतिकार्य सन्दर्भमा प्रदेश स्तरीय सरोकारबलाहरु संगको अन्तरक्रिया तथा मधेश प्रदेशमा भएको लैँगिक हिँसा घटनाको तथ्यांक सार्वजनिकिकरण कार्यक्रममा बोल्दै ओरेकका मधेश प्रदेश संयोजक विणा सिँहले पहाडे ब्राह्मण क्षेत्री मा २४.५ प्रतिसत लैँगिक हिँसा भएको जानकारी दिनु भयो ।

अन्वेसी २०८२ स्रोतका अनुसार ९८ प्रतिसत बलात्कारका प्रभावितले सामाजिक असरको सामना गर्नुपरेको तथा लैँगिक हिँसाका घटनामा ८८.३ प्रतिस पीडक पुरुष रहेका थिए । तथ्यांक अनुसार १७ प्रतिसत महिलाहरुले यौनजन्य हिँसाको सामना गर्नु परेको जनाइएको छ । महिला मानवअधिकार रक्षक सञ्जालका केन्द्रिय सदस्य तथा मधेश प्रदेश संयोजक अधिवक्ता रेखा झाको अध्यक्षतामा भएको सो कार्यक्रममा प्रमुख अतिथि प्रदेश सभाका महिला बालबालिका तथा ज्येष्ठ नागरिक समितिका सभापति रुपा यादवले मधेशमा महिलाको अधिकार कानुनमा उल्लेख भएपनि व्यवहारमा लागु नहुदा महिला हिँसाको घटनामा बृद्धि भएको बताउनु भयो ।

सो कार्यक्रममा प्रस्तुत भएको तथ्यांक अनुसार मधेश प्रदेशमा ५८.६२ प्रतिसत घटनामा पिडक श्रीमान नै रहेको जनाइएको छ ।त्यस्तै ६२.३१ प्रतिसत महिलाहरुले घरेलु हिँसाको सामना गर्नु परेको जनाइएको छ । साथै २०.५३ प्रतिसत महिलाले यौन जन्य हिँसाको सामना गर्नु परेको जनाइएको छ । सो कार्यक्रममा मधेश प्रदेश प्रहरी कार्यालय जनकपुरधामका प्रहरी निरिक्षक सोनु कुमार साहले तीन वर्षको प्रदेश भरीको घटनाहरुको बारेमा प्रस्तुतकिरण गर्नु भएको थियो । कार्यक्रममा पिपुल ईन निडका मधेश प्रदेश कार्यक्रम संयोजक सुनिल साहले कार्यक्रमको उद्देश्यका विषयमा जानकारी गराउनु भएको थियो । कार्यक्रममा मानवअधिकार संग सम्बन्धित संघ संस्थाका प्रतिनिधिहरुको सहभागिता रहेको थियो ।