धनौजीका हरुवा चरवा अहिले पनि आधारभुत आवश्यक्ताबाट बञ्चित

11 महीना पहिले प्रकाशित

Smrititimes

जनकपुरधाम
१५ गते माघ ।

धनुषा जिल्लाको धनौजी गाउँपालिका वडा नं. ४ भडरीयाको मुसहर बस्तीमा अहिले पनि विकासले खासै असर गरेको अवस्था छैन् । अन्य जातको जनसंख्या कम भएपनि अधिकांश मुसहर समुदायका हरवा चरवा समुदाय भुमिहिन सुकुम्बासी रहेका छन् ।

उनिहरु अर्काको खेतमा काम गरेर पेटपाल्ने काम बर्षौ देखि गर्दै आए पनि पछिल्ला समयमा थप समस्या भएको छ । विगतमा ति विपन्न तथा हरुवा चरवा समुदायको समस्याहरुलाई समाधान गर्न एक वर्षे कार्ययोजना तयार पारिएपनि सो अुनकुल काम नहुँदा उनिहरुमा निरासा छाएको छ ।

त्यहाँ रहेका हरवा चरवा समुदायको बालबालिकाहरुका लागि विगतमा निःशुल्क ट्युसनको ब्यवस्था भएपनि पछिल्ला समयमा त्यसको निरन्तरता नपाएपछि ति समुदायका बालबालिकाहरुको शैक्षिक स्तरमा पनि खासै परिवर्तन भएको अवस्था छैन । तरही हरुवा चरवा समुहका अध्यक्ष लक्षमण मंडलका अन्ुसार सो समुदायको शैक्षिक स्तर बढाउन पहल भएपनि निरन्तरता नपाएकाले समस्या भईरहेको छ ।

गाउपालिकाका अध्यक्ष राजकुमार साहले विपन्न हरवाचरवा समुदायको लागि जग्गाको व्यवस्था गर्न गुठी संस्थान संग समन्वय गरेको बताउनु भयो । उहाँले ति समुदायको उत्थानका लागि बजेट समेथत विनियोजन गरी विभिन्न प्रकारका योजनाहरु ल्याउने बताउनु भयो ।
समुदायमा रहेका हरुवा चरवाहरुको लगत संकलन नभएको कारण उनिहरुलाई सहयोग गर्न समस्या भईरहेको छ । लगत संकलन नहूँदा हरुवा चरवा अवसरबाट बञ्चित भएका छन् । विपन्न हरुवा चरवा समुदायको लागि लागत संकलन गरी उनिहरुको जग्गाको लालपुर्जा दिलाउन पहल गर्ने, उनिहरुलाई नागरिकता दिलाउन पहल गर्ने, व्यक्तिगत घटना दर्ता, जिविकोपार्जनका क्षेत्रमा पहुँच, शैक्षिक क्षेत्रमा पहूँच,स्वास्थ्य सम्बन्धी आवश्यक सेवा प्रदान लगायतका विषयमा ति समुदायलाई सहयोग गर्नुपर्ने आवश्यक्ता रहेको छ ।