नगराईनमा ६ लाईनको सडक व्यवस्थित गर्न वडासदस्य चौधरीले गुहारे मुख्यमन्त्री

22 घन्टा पहिले प्रकाशित

Smrititimes

बटुकनाथ झा
जनकपुरधाम
असोज २ गते ।
विगत लामो समय देखि जनकपुर जटही ६ लाईन सडकखण्डको नगराईन र जटहीमा रहेको अतिक्रमण हटाउन सक्रिय रहेका जनप्रतिनिधि प्रदिप कुमार चौधरीले बुधबार मधेश प्रदेशका मुख्यमन्त्री सतिश कुमार सिँहलाई ज्ञापनपत्र बुझाउनु भएको छ । ज्ञापनपत्र बुझ्दै मुख्यमन्त्री सतिस कुमार सिँहले सो पत्रलाई दर्ता गरी सम्बन्धी पक्षलाई कारबाहीका लागि प्रक्रिया सुरु गर्ने आश्वासन दिनुभएको नगराईन नगरपालिकाका वडा नं. २ का वडा सदस्य समेत रहनुभएका चौधरीले जानकारी दिनुभयो ।

यो भन्दा पहिला सो पालिकाका प्रमुख प्रशासकीय अधिकृत रामगुलाम कर्ण, सडक डिभिजन कार्यालय जनकपुरका डिभिजन प्रमुख दिपक कुमार झा लगायतका सरोकारबलाहरुलाई लिखित जानकारी गराएपनि सडक अतिक्रमण नरोकिएपछि मुख्यमन्त्रीलाई ज्ञापनपत्र दिनुभएको छ ।

सो वडाका कार्यबाहक वडाध्यक्ष रामपरी देवी २०८१ ज्ोठ १६ गते वडावासीलाई सम्बोधन गर्दै जटही र नगराईनमा ६ लाईन सडकमा विभिन्न किसिमका सवारी साधन अबैध तथा अव्यवस्थित तरिकाले राखिएकाले सात दिन भित्र पार्किङको व्यवस्थापन गर्न सुचना जारी गरेपनि खासै असर परेको देखिदैन ।

सो सडकमै स्थानीयबासीले धान सुकाउने, पराल राख्ने, घाँसको थुप्रो, गाईको गोठ, कठघेरा, दाउरा लगायतका सामग्री राख्नुका साथै सडकको फुटपाथमा नै स्थाई रुपमा पक्की निर्माण समेत गरेकाले यसबाट दुर्घटना हुने सम्धमवना बढेको छ । यस्ता गतिविधि गर्नेलाई प्रचलित कानुन तथा सडक ऐन २०३१ को व्यवस्था बमोजिम कारबाही गर्ने सो पालिकाका प्रमुख प्रशासकीय अधिकृत रामगुलाम कर्णले जेठ १६ गते काटेको पत्रका उल्लेख भएपनि अहिले सम्म यस्ता काम गर्नेलाई कुनै प्रकारको कारवाही भएको देखिदैन ।

वडाध्यक्ष चौधरीले जिल्ला प्रशासन कार्यालय धनुषा तथा जिल्ला प्रहरी कार्यालय धनुषामा समेत निवेदन दर्ता गराई पटक पटक सूचना जारी गर्दा पनि सडकपेटी अव्यवस्थित राखेकालाई कारबाहीको माग गर्नुभएको छ । अर्बोको लगानीमा बनेको सो जनकपुर जटही ६ लाईनको सडकका ग्रामिण क्षेत्रमा स्थानीयबासीले सडकलाई अन्य प्रयोजनमा प्रयोग गरेकाले सडकको गुणसतरीयताका कमि आउनुका साथै कुरुप देखिने र दुर्घटनाको क्रममा बृद्धि हुने देखिएको छ ।