कानुनी सहायता सेवा प्रदायक संग नीति सम्बाद कार्यक्रम सम्पन्न

2 वर्ष पहिले प्रकाशित

Smrititimes

जनकपुरधाम
असोज १४ गते ।
आम नागरिकलाई कानुनी सहायता प्रदान गर्न संचालनमा रहेका राज्य निकायहरु संग सोमबार जनकपुरधाममा नीति सम्बाद कार्यक्रम सम्पन्न भएको छ । यूएनडिपीको आर्थिक सहयोगमा दलित समाज उत्थान समिति नेपालको आयोजनामा संस्थागत सुधार मार्फत न्यायमा पहँुच अभिबृद्धि परियोजना– २ अन्तरगत भएको उक्त संवादमा अधिवक्ता राजकुमार महासेठले न्यायिक समितिको अधिकार, बैतनिक वकिलको महत्व लगायतका विषयमा जानकारी गराउनु भएको थियो ।

उहाँले संबिधानमा उल्लेख भए अनुसार स्थानीय तहमा रहेको न्यायिक समितिको अधिकार क्षेत्र र अहिले भईरहेको कामका विषयमा समेत जानकारी गराउनु भएको थियो । उक्त नीति समबादको सहजीकरण गर्दै अधिवक्ता महासेठले समाजमा हुने विभिन्न प्रकारका द्वन्द्वहरुलाई न्यायिक समितिको माध्यमले समाधान गर्न समिति आफै प्रभावकारी कार्यसम्पादन गर्नुपर्ने बताउनु भयो । उहाँले न्यायिक समितिको काम कर्तव्य र अधिकार तथा यसले हेर्ने विवादहरुका बारेमा जानकारी गराउनु भएको थियो ।

सो सम्बाद कार्यक्रमको अध्यक्षता गर्नुभएका जनकपुरधाम उपमहानगरपालिकाका उपप्रमुख किशोरी साहले आफुले न्ययिक समितिका संयोजक भएर अहिले सम्म गरिएको काम र भईरहेको चुनौतीहरुका बारेमा स्पष्ट पार्नुभएको थियो । कार्यक्रममा उक्त परियोजनाका जिल्ला पर्यवेक्षक सुमन झाले परियोजनाको बारेमा जानकारी गराउनु भएको थियो । त्यस्तै यूएनडिपीका प्रतिनिधि उर्मिला रोक्काले आम नागरिकको न्यायमा पहुँच अभिबृद्धिका लागि राज्यको निकायहरुले गर्नुपर्ने कामलाई प्रभावकारी बनाउने विषयमा विभिन्न पक्षलाई सक्रिय बनाउने परियोजनाको मुख्य उद्देश्य रहेको बताउनु भयो ।

सो कार्यक्रममा दलित समाज उत्थान समिति नेपालका कार्यक्रम सल्लाहकार पुनित चौधरीले संसथाले गरिरहेको कामका सम्बन्धमा जानकारी गराउनु भएको थियो । सो कार्यक्रममा जनकपुरधाम उपमहानगरपालिकाका कानुन अधिकृत मंसुर राइत, न्यायिक समितिका सदस्य परमेश्वर साह, अधिवक्ता किरण साह, जिल्ला आदालत धनुषाका बैतनिक वकिल राहुल झा लगायतकाले मन्तव्य राख्नु भएको थियो । सो कार्यक्रममा लक्ष्मीनियाँ गाउँपालिकाका उपाध्यक्ष फुल कुमारी यादव , संस्थाका कर्मचारीहरुको सहभागिता रहेको थियो ।