ओरेक मधेशले मनाए ३४ औ वार्षिक उत्सव

12 महीना पहिले प्रकाशित

Smrititimes

जनकपुरधाम
चैत २१ गते ।

ओरेक मधेस प्रदेश कार्यालयले एक कार्यक्रमका बिच ३४औं वार्षिक उत्सव बनाएका छन् । मधेश प्रदेश सांसद एवम् महिला बालबालिका तथा सामाजिक न्याय समितिका सभापति रूपा यादवको प्रमुख अतिथिमा मनाइएको ३४ औँ वार्षिक उत्सवमा सहभागीहरुले ओरेकले गरिरहेको कामको सराहना गरेका थिए । सो कार्यक्रममा बोल्दै सभापति यादवले समितिमा बजेट नभएपनि महिला वालवालिका तथा सामाजिक नयाय समितिले विभिन्न कानुनहरु बनाएको बताउनु भयो । बजेट बनाउन आफुहरुलाई सामेल नगरेकाले महिलाको हितमा आफुहरुले चाहेर पनि समितिबाट योजनाहरु बनाउन नसकेको बताउनु भयो ।

उहाँले सदनमा अधिकारका लागि बोल्दै सरकारलाई घचघचाउने काम गरिरहेको समेत बताउनु भयो । कार्यक्रममा ओरेक मधेस प्रदेशका संयोजक बिना सिंहले अतिथिहरूलाई स्वागत गर्दै ओरेकका ३४ वर्षको यात्राको भिडियो प्रस्तुति अभियानहरू सँग सम्बन्धित विषयबसतु प्रस्तुतिकरण गर्नुभएको थियो ।
उहाँले ओरेकमा हिंसा प्रभावितहरू रहेको र ओरेकले उनीहरूको न्यायको लागि पूर्वी गर्दै आएको छ बताउनु भयो । नेपाल सरकारले गर्नुपर्ने काम ओरेकले गरिदिएको बताउदै उहाँले सरकारले यस्ता हिंसा प्रभावितको लागि महिला अधिकारको लागि काम गर्ने संघसंस्थालाई बजेट नदिनु दुःखदायी रहेको बताउनु भयो । सो कार्यक्रममा बोल्दै राष्ट्रिय मानव अधिकार आयोगका अधिकृतले ओरेकलाई ३४ औँ वार्षिक उत्सवको शुभकामना दिँदै ओरेका सँग हामी एकदमै नजिक भएर काम गर्ने बताउनु भयो ।

कार्यक्रममा बोल्दै जनकपुरधाम उपमहानगरपालिकाका उपप्रमुख किशोरी साहले ओरेकको कामको सराहना गर्नुभयो । खेलकुद तथा मधेस प्रदेश सरकार खेलकुद तथा समाजकल्याण मन्त्रालयका मन्त्रालयका समाजकल्याण महाशाखा प्रमुख देवकुमारी खत्रीले शुभकामना मन्तव्य दिँदै ओरेको सुरक्षावास पटकपटक अनुगमन गरेको भन्दै वास्तवमा ओरेकले महिलाको लागि गरेको कामका आफुहरुले मूल्याङ्कन गरिरहेको बताउनु भयो ।

कार्यक्रममा बोल्दै प्रादेशिक अस्पताल जनकपुरका ओसीएमसीका प्रमुख डाक्टर रुपी सिंहले ओरेकलाई शुभकामना दिँदै ओरेक संग नजिक भएर आफुले काम गरेको बताउनु भयो । वार्षिक उत्सवमा विशिष्ट अतिथिको रूपमा धनुषा जिल्ला समन्वय समिति प्रमुख राजनन्दर मण्डल, उपप्रमुख संगीता ठाकुर जनकपुरधाम उपमहानगरपालिकाका उपप्रमुख किशोरी शाह मधेस प्रदेश सरकार खेलकुद तथा समाजकल्याण महाशाखा प्रमुख देवकुमारी खत्री, राष्ट्रिय मानवअधिकार, जिल्ला प्रहरी कार्यालय जिल्ला प्रशासन कार्यालय लगायत मधेसमा कार्यरत मानव अधिकारको क्षेत्रमा सङ्घसंस्थाहरू रहेको थियो । वार्षिकोत्सवका अवसरमा साँझ ओरेकको प्राङगनमा दिपप्रज्जवलन समेत गरिएको थियो ।