जनप्रतिनिधि प्रदिप चौधरीक सहयोगसँ महिलाके भेटल नेपाली नागरिकता

2 महीना पहिले प्रकाशित

Smrititimes

जनकपुरधाम,
भादब १७ गते ।
धनुषाक नगराइन नगरपालिका–२ जटहीक एक महिला लम्बा समयक प्रयासक बाद नेपाली नागरिकताक प्रमाणपत्र प्राप्त केलनि अछि । कानुनी आ कागजी प्रक्रियामे समस्या भेलाक कारण स्थानीय मंजु देवी करीब चार वर्षसँ नागरिकता प्राप्त करयसँ वञ्चित छलथि ।
मंजु देवीक अनुसार हुनकर पति किशोरी कामतक नागरिकता बनल नहि छल। पति किशोरी कामतक मृत्यु सेहो भऽ गेलाक बाद मंजुक नागरिकता बनाबय लेल आवश्यक कागजात आ पहिचानसम्बन्धी समस्या उत्पन्न भेल छल। नागरिकता बनाबयक क्रममे जिला प्रशासन कार्यालय धनुषामे बेरबेर जाएपरल पड़ल आ विभिन्न कागजात जुटाबयमे कठिनाइ भेल हुनकर कहब अछि । अपन पहिचान आ पारिवारिक विवरण प्रमाणित करयमे सेहो समस्या भेलाक कारण नागरिकता प्रक्रिया लम्बा समय धरि अड्कल छल। अन्ततः नगराइन नगरपालिका–२ क वडा सदस्य प्रदीप चौधरी आवश्यक समन्वय आ सहजीकरण केलाक बाद नागरिकता बनेबाक प्रक्रिया सहज भेल। जनप्रतिनिधिक सहयोग तथा सम्बन्धित प्रशासनिक निकायक समन्वयक बाद नागरिकताक प्रमाणपत्र प्राप्त करयमे सफल भेलापर मंजु देवी खुशी व्यक्त केलनि।
नागरिकता प्राप्त भेलाक बाद अपन बालबच्चाक भविष्य सुनिश्चित करयमे सेहो सहज होयत, हुनकर कहब अछि । लम्बा समयसँ नागरिकता नहि रहलाक कारण शिक्षा, सरकारी सेवा तथा अन्य प्रशासनिक काजमे विभिन्न समस्या भोगय पड़ल छल। नागरिकता प्राप्त करयमे सहयोग करबाक लेल वडा सदस्य प्रदीप चौधरी, जिला प्रशासन कार्यालय धनुषाक सम्बन्धित कर्मचारी तथा सहयोग करनिहार सभकेँ मंजु देवी धन्यवाद देलनि ।
विशेष रूपसँ विवाहक कारण भारत–नेपाल सीमावर्ती क्षेत्रमे बसोबास करनिहार तथा पति मृत्यु वा कागजातसम्बन्धी समस्याक कारण नागरिकता प्रक्रियामे कठिनाइ भोगि रहल महिलाक लेल जनप्रतिनिधि आ प्रशासनबीच समन्वय महत्वपूर्ण रहल अनुभव मंजु देवी साझा केलनि।
एहन समस्यामे पड़ल महिलाकेँ आवश्यक कानुनी प्रक्रिया पूरा करबैत नागरिकताक अधिकारसँ वञ्चित नहि होय, एहि लेल स्थानीय जनप्रतिनिधि तथा प्रशासनकेँ आवश्यक सहजीकरण करबाक आवश्यकता रहलापर हुनकर जोर अछि।