शान्ति पुनस्र्थापना गृहको पहलमा धनुषाका बालिकालाई गुजरातको बरोद्राबाट उद्धार

11 महीना पहिले प्रकाशित

Smrititimes

बटुकनाथ झा
जनकपुरधाम
असोज ६ गते ।
धनुषा जिल्लाको एक जना १७ वर्षिय बालिकालाई चार जनाले अपहरणशैलीमा भारतको गुजरात राज्यको बरोद्रामा राखेपछि शान्ति पुनस्र्थापना गृहको सक्रियतामा घर फर्काइएको छ । जिल्लाको शहिदनगर नगरपालिका ४ की एक जना बालिकालाई धनुषाधाम ३ का २१ वर्षिय राजु दासले मायाजालमा फसाई तीन जना साथीको सहयोगमा बरोद्रामा लगेर राखेको सूचनाको आधारमा गृहले भारतीय प्रहरीको सहयोगमा पक्राउ गर्न सफल भएको छ ।

गत असार ११ गते बालिकाका अभिभावकले जिल्ला प्रहरी कार्यालय धनुषामा अपहरण मुद्धा दर्ता गराएर शान्ति पुनस्र्थापना गृहमा समेत निवेदन दिई छोरीलाई खोजी गर्न आग्रह गरेका गृहकी धनुषाका कार्यक्रम संयोजक रिना कुमारी झाले जानकारी दिनुभयो । उनको खोजीका लागि शान्ति पुनस्र्थापना गृहका राष्ट्रिय उद्धार संयोजक भूमिराज भट्टराईको अगुवाईमा गएको समुहले भारतको देहरादुनमा रहेको सामाजिक संस्था हेल्प क्रसको सहयोगमा बालिका समक्ष पु्ग्न सफल भएका थिए ।

भारत प्रवेश गरेदेखि लगातार बालिकाको बोमाइलको लोकेसन ट्रेस गरी पछ्याईरहेका भट्टराईका समुहले बरोद्राका कमिसनर नरसिँह कुमारको समन्वयमा बालिकालाई उद्धारगरुी सीडबलु सी बरोद्रामा राखि नेपाली दुतावासमा जानकारी गराई भदौँ २९ गते भारतीय प्रहरी,सामाजिक संस्थाहरु तथा भारत स्थित नेपाली दुतावासको समन्वयमा अपहरित बालिकालाई नेपाल ल्याउन सफल भएको उद्धार संयोजक भट्टराईले जानकारी दिनुभयो । भारतको देहरादुनमा सक्रिय रहेका ुामाजिक संस्था हेल्प क्रसका महासचिव बिशाल थापाको समन्वयमा १ट सेप्टेम्बर २०२४ का दिन ति अपहरणमा संलग्न युवा राजु दास तथा अपहरित बालिकालाई फर्काइएको भट्टराईले जानकारी दिनुभयो ।

अपहरित वालिकाको खोजीमा भारत गएका टिममा जिल्ला प्रहरी कार्यालय धनुषाका प्रहरी साहायक निरिक्षक रास नारायण राय पनि थिए । छोरी सँम्पर्क विहिन भएपछि उनका आमाले जिल्ला प्रहरी कार्यालय धनुषामा युवाका आमा धनुषाधाम ३ का आशा देवी दास, अपरहरणमा संलग्न स्थानीय सुभन्सा मुखिया लगायतका ४ जना माथि मुद्धा दर्ता गराएको जिल्ला प्रहरी कार्यालय धनुषाले जनाएका छ । उद्धार गरिएका बालिकालाई शान्तिपुनस्र्थापना गृहमा राखि असोज ४ गते जिल्ला प्रहरी कार्यालय धनुषाको जिम्मा लगाइएको थियो भने युवक दासलाई प्रहरी कार्यालयमा नै राखिएको थियो । दुबै जनालाई अभिभावकको जिम्मा लगाइएको शान्ति पुनस्र्थापना गृहका धनुषा जिल्ला कार्यक्रम संयोजक रिना कुमारी झाले जानकारी दिनुभयो ।

मानव बेचबिखनका बिरुद्धमा सिमा क्षेत्रमा सक्रिया रहेका गृहले जनकपुरधामको रेल्वेस्टेशन तथा जटही नाकामा नियमित रुपमा भारत जान लागेका महिला युवतीहरुलाई पुछताछ गरी बेचबिखानका लागि लगिरहेका रोक्ने काम गरिरहेको छ । गत आर्थिक वर्षमा रेल्वेस्टेशन तथा जटही नाकामबाट एक सय ६२ जनालाई उद्धार गरेको कार्यक्रम संयोजक झाले जानकारी दिनुभयो । बिभिन्न बाहानामा ललाई फकाई भारतमा बेच्नको लागि लगिरहेकाहरु मध्ये मधेशी बाहुन ४ जना, मधेशी दलित ३७ जना, अन्य ८३ जना पहाडी बाहुन २ जना , पहाडी दलित १० जना, पहाडी जनजाती ५ जना, मुस्लिक १३ जना र अन्य ८ जना गरी एक वर्षमा एकसय ६२ जनालाई उद्धार गरिएको झाले बताउनु भयो ।

एक वर्षमा जनकपुरधामको रेल्वे स्टेशनबाट शान्ति पुनस्र्थापना गृहले एक हजार ५ सय ९६ जनालाई पराशर्म तथा एक सय २६ जनालाई उद्धार गरेका थिए भने जटही नाकाबाट एक हजार ५९ जनालाई परामर्श तथा ३६ जनालाई उद्धार गरी आर्थिक वर्ष २०८०–८१ म कुल २ हजार ६ सय ५५ जनालाई परामर्श तथा उक सय ६२ जनालाई उद्धार गरिएको गृहको बार्षिक प्तिवेदनमा उल्लेख गरिएको छ । त्यस्तै चालु आर्थिक वर्षको साउन महिनामा २१ जना र भदौँमा १२ जनाको उद्धार गरिएको छ । रोगजारीको बाहानामा विभिन्न प्रलोभनमा परि यौन तथा श्रम शोषणमा परेको र घरेलु हिँसको सिकार भएका महिला तथा बालबालिकाहरु मानव बेचबिखन तथा ओसारपोसारको चपेटामा परेका छन् ।