नागरिक समाजका लागि अनुकुल वातावरणको अवस्था सम्बन्धमा विज्ञ सरोकारबलाहरुको बैठक सम्पन्न

3 घन्टा पहिले प्रकाशित

Smrititimes

जनकपुरधाम
माघ ७ गते ।
मधेश प्रदेशमा नागरिक समाजका लागि अनुकूल वातावरणको अवस्था अनुगमन सम्बन्धमा प्रदेश स्तरीय विज्ञ सरोकारबलाहरुको बैठक जनकपुरधाममा सम्पन्न भएको छ । एनजीओ फेडरेसनको आयोजनामा भएको सो बैठकमा गैसस महासंघ धनुषाका सहसचिव उमेश साहले कार्यपत्र प्रस्तुत गर्नु भएको थियो ।

गैसस महासंघका केन्द्रिय सचिव रामचन्द्र साहको प्रमुख आतिथ्यमा भएको सो कार्यक्रममा कार्यपत्र प्रस्तुत गर्दै सहसचिव साहले इयुएसइइ परियोजनाको बारेमा जानकारी गराउनु भएको थियो । उहाँले परियोजना अन्तरगत प्रदेश स्तरमा नागरिक समाजको लागि सहज वातावरणको वर्तमान अवस्थाका बारेमाछलफल गर्ने अनुगमन प्रणालीमा विज्ञहरुको भूमिका तथा जिम्मेबारी स्पष्ट पार्ने मुख्य उद्देश्य रहेको जानकारी दिनुभयो ।

नेपालको अवस्थामा कानुनी, प्रत्याभूति व्यवहारिक चुनौती तथा सीभिसस मोनिटरले नेपालको नागरिक स्पेसलाई अवद्ध श्रेणीमा राखेको जानकारी गराउनु भयो । साहले अनुकूलन वातावरणका अन्तराष्ट्रिय सिाद्धान्तहरुका बारेमा जानकारी गराउदै यसमा प्रदेश विज्ञहरुको भूमिकाका विषयमा स्पष्ट पार्नुभएको थियो । सो बैठकमा राष्ट्रिय मानव अधिकार आयोग, राजनीतिक दल, पत्रकार महासंघ तथा गैसस महासंघका प्रतिनिधिहरुको सहभागिता रहेको थियो ।