ठाकुर, झा, कर्ण, पासमान राष्ट्रिय सभा सदस्यमा निर्वाचित

2 महीना पहिले प्रकाशित

Smrititimes

जनकपुरधाम
माघ ११ ।

राष्ट्रिय सभाको निर्वाचनमा मधेस प्रदेशबाट जनता समाजवादी पार्टी नेपालका संरक्षक महन्थ ठाकुर निर्वाचित हुनु भएको छ । उहाँले ७७२५ मत प्राप्त गरी अन्य क्लस्टरबाट निर्वाचित हुनु भएको छ । उहाँका प्रतिद्वन्दी नेकपाका लक्ष्मण पौडेल १८०५ मत ल्याउनु भएको छ भने ३१५ मत बदर भएको छ । मधेश प्रदेश राष्ट्रिय सभा सदस्य निर्वाचन २०८२ को अन्तिम नतिजा अनुसार मधेश प्रदेशः राष्ट्रिय सभा सदस्य निर्वाचन २०८२ को महिला कलष्टर तर्फ मत परिणाम अनुसार एमालेका रेखा झा ७२२२ मत ल्याई विजयी हुनु भएको छ । उहाँका प्रतिद्वन्दी नेकपाका शमी कुमारी अग्रवाल १९४४ मत, जसपाका चन्द्रकला देवी साह ३२२ मत पाउनु भएको छ भने ३५७ मत बदर भएको छ । त्यस्तै मधेश प्रदेश राष्ट्रिय सभा सदस्य निर्वाचन २०८२ को अल्पसंख्यक कलष्टर तर्फ मत परिणाम अनुसार काँग्रेसका रंजित कर्ण ८०९३ मत ल्याई विजयी हुनु भएको छ । उहाँका प्रतिद्वन्दी नेकपाका रामनन्दन प्रसाद १३६१, जसपाका शैलेश कुमार चौधरी २७७
मत ल्याउनु भएको छ भने ११४ म तबदर भएको छ । दलित कलष्टर तर्फ मत परिणाम अनुसार नेपाली काँग्रेसका धर्मेन्द्र पासवान ७९०४ ल्याई विजयी हुनु भएको छ । उहाँको प्रतिद्वन्दी नेकपाका रामनन्दन प्रसाद १३७६ जसपाका चमेली देवी दास २०९ मत ल्याउनु भएको छ भने १८६ म तबदर भएको छ । राष्ट्रियसभा सदस्य निर्वाचन –२०८२ अन्तरगत मधेश प्रदेश ः १०० मध्ये ९९ प्रदेश सांसद र २६४ मध्ये २४२ पालिका प्रतिनिधि (मेयर, उपमेयर, अध्यक्ष, उपाध्यक्ष) ले मतदान गरेका थिए ।
जनकपुरधामको महेन्द्रनारायण निधि मिथिला सांस्कृति केन्द्रमा बिहान १० बजे देखि दिउँसो ३ बजेसम्म मतदान भएको थियो । चार सिटका लागि ११ जना उम्मेदवारहरू चुनावी मैदानमा रहेका थिए । मधेस प्रदेशमा हाल कायम रहेको १०४ जना प्रदेशसभा सदस्य मध्ये ४ जना प्रतिनिधि सभा सदस्य पदका लागि उम्मेदवारी दिएपछि १ सय कायम रहेको छ । एक सयमा ९९ सय जनाले मतदान गर्नु भएको छ । प्रदेश र स्थानीय तहबाट गरेर कूल ३ सय ६४ मतदाता मध्ये २३ जना अनुपस्थित भएर ३ सय ४१ जनाले मतदान गर्नु भएको छ ।