सरकारी गाड़ी के नम्बर ‘निजी’ बनौने आरोपमे पकरलगेल मधेश के पूर्व सभामुख मण्डल के जमाई फरार

8 महीना पहिले प्रकाशित

Smrititimes

जनकपुरधाम, फागुन २० गते । मौन अवधि के बीच सरकारी गाड़ी के नम्बर प्लेट बदलि कऽ निजी बनौने के आरोपमे पकरलगेल मधेश प्रदेश के पूर्व सभामुख रामचन्द्र मण्डल के जमाई रमेश मण्डल फरार भेल बुझमे आएल अछि । स्रोत अनुसार सशस्त्र प्रहरी के विशेष चेकजाँचक क्रममे मिथिला बिहारी नगरपालिका–पुरन्दाहा क्षेत्र सँ काल्हि मंगलदिन मंडलके नियन्त्रणमे लेल गेल छल ।
सशस्त्र प्रहरी बल, नेपाल मधेश प्रदेश के डिआइजी कृष्ण ढकालके अनुसार एकटा चारचक्के गाड़ी आ चालक के नियन्त्रणमे लेल गेल ई पुष्टि कएलनि। “हमर टोली गाड़ी आ चालक के नियन्त्रणमे लेने अछि, ,” ओ कहने छलथि ।
एहि विषयमे जिल्ला प्रशासन कार्यालय धनुषा के प्रमुख जिल्ला अधिकारी प्रेमप्रसाद लुइँटेल सेहो घटना के पुष्टि कएलनि। स्रोत अनुसार नियन्त्रणमे लेल गेल गाड़ी सरकारी छल, मुदा ओकरा पर निजी नम्बर प्लेट लागल छल। चेकजाँच दौरान गाड़ी अवैध आ गैरकानुनी रूप सँ सञ्चालन होइत छल, एहन आशंका पर ओकरा नियन्त्रणमे लेल गेल। गाड़ी सँ किछु नगद रकम सेहो बरामद भेल अछि, । कहल जा रहल अछि जे उक्त गाड़ी प्रदेश सभा के छल।
स्रोतक अनुसार पकरलगेल रमेश मंडलके प्रहरीके संलगनतामे भगाओलगेल अछि । पूर्व सभामुख मण्डल पर एतय सँ पहिने आचरणविरुद्ध कार्य के आरोप लागल छल, जाहि कारण मधेश प्रदेश सभा के दुई तिहाइ सदस्य सभ हुनका पदमुक्त कए देने छलाह। तत्पश्चात् ओ प्रदेश सभा सदस्य पद सँ राजीनामा दऽ कऽ धनुषा क्षेत्र नम्बर–१ सँ नेपाल कम्युनिष्ट पार्टी (एमाले) के तर्फ सँ प्रतिनिधि सभा सदस्य पद लेल उम्मेदवारी द’ने छथि। गिरफ्तार रमेश मण्डल हुनकर निजी सचिव सेहो रहि चुकल छथि।
चेकजाँचमे संलग्न एकटा सुरक्षा स्रोत अनुसार मतदाता के प्रभावित करबाक उद्देश्य सँ गाड़ी के प्रयोग कएल जा रहल छल, एहन आशंका अछि। सुरक्षा निकाय के छल करबाक लेल नम्बर प्लेट बदलल गेल हो सकैत अछि, एहन प्रारम्भिक अनुमान कएल जा रहल अछि।
स्रोत अनुसार गाड़ी आ सम्बन्धित व्यक्ति के थप अनुसन्धान लेल इलाका प्रहरी कार्यालय धनुषाधाम के नियन्त्रणमे बुझा देल गेल अछि। पक्राउ कएल गेल गाड़ी के नम्बर बागमती–प्र–०१ ००३२ च ७८९४ बतावल जा रहल अछि, मुदा स्रोत अनुसार ई नम्बर नकली हो सकैत अछि।