प्रशासनलाई लाखौँको विपद् व्यवस्थापनका सामग्री हस्तानान्तरण

2 वर्ष पहिले प्रकाशित

Smrititimes

जनकपुरधाम
१२ गते पुस । धनुषा जिल्लामा विपद्का कारण हुने क्षतिबाट बच्नका लागि जिल्ला प्रशासन कार्यालयलाई शुक्रबार लाखौँको सामग्री हस्तानान्तरण गरिएको छ । जिल्ला प्रशासन कार्यालय धनुषाकामा साहायक प्रमुख जिल्ला अधिकारी विजय राज सुवेदीलाई सो सामग्री हस्तानान्तरण गरिएको छ ।
प्लान इन्टरनेसनल नेपालको सहयोगमा सामाजिक विकास र अनुसन्धान केन्द्रको आयोजनामा संचालनमा रहेको सशक्त वालिका परियोजना अन्तरगत विपद् पुर्व तयारी प्रतिकार्य खोज तथा उद्धारका सामग्रीहरु हस्तानान्तरण गरिएको छ । केन्द्रका सचिव सोनफी साहको अध्यक्षतामा भएको सो कार्यक्रममा साहायक प्रमुख जिल्ला अधिकारीलाई विपद् व्यवस्थापन तथा प्रतिकार्य खोज उद्धारका लागि प्रयोग हुने पाँच लाख १८ हजार ६ सय ७० को हाइड्रोलिक बोल्ट कटर, थ्रो व्याग्स,लाईफ ज्याकेट,ड्रिल केसिन, फोल्ड्रि सिढि,मेगा ह्यान्ड माइक लगायतका सामानहरु हस्तानान्तरण गरिएको छ ।
सो कार्यक्रममा बोल्दै साहायक प्रमुख जिल्ला अधिकारीले आफुहरुले पाएको सामग्रीहरुलाई प्रयोग गर्न सुरक्षा निकायलाई हस्तानान्तरण गर्ने जानकारी दिनुभयो । आफुहरुले पाएका विपद् प्रतिकार्यका क्षेत्रमा काम गरिरहेका सशस्त्र र नेपाल प्रहरीहरुको समन्वयमा तालिम प्राप्त सुरक्षा निकायलाई जिम्मालगाउने बताउनु भयो ।
सो कार्यक्रममा बोल्दै नेपाल रेडक्रस सोसाइटीका केन्द्रिय सदस्य पुर्व राज्य मन्त्री रामसिँह यादवले यस्ता सामानहरुको हस्तानान्तरणले विपद् व्यवस्थापनमा खट्ने प्रहरी तथा अन्य दक्षजनशक्तिलाई सहयोग हुने बताउनु भयो । सामाजिक विकास र अनुसन्धान केन्द्रका सामाजिक परिचालक जिवछ दासले संचालन गर्नुभएको सो हस्तानान्तरण कार्यक्रममा प्लान इन्टरनेशनल नेपालका तर्फबाट वेद प्रसाद भुर्तेल, नेकपा एमालेका केन्द्रिय सदस्य संतोष यादव लगायतकाले मन्तव्य राख्नु भएको थियो । कार्यक्रममा सामाजिक विकास र अनुसन्धान केन्द्रका कार्मचारीहरु तथा विपद् व्यवस्थापनका क्षेत्रमा काम गर्ने व्यक्तिहरुको सहभागिता रहेको थियो ।