कठालमा बालस्वास्थ्यका लागि पुरक खाना बनाउन अनुगमन सम्पन्न

4 महीना पहिले प्रकाशित

Smrititimes

जनकपुरधाम
माघ १० गते । वालवालिकाहरुको शारीरिक तथा मानसिक स्वास्थ्यको विकासका लागि पुरक आहार दिने सम्बन्धमा भएको कृयाकलापको अनुगमन धनुषाको जनकनन्दिनी गाउँपालिकामा सम्पन्न भएको छ । पालिकाको वडा नं. ६ कठालमा संचालनमा रहेको अभिभावक शिक्षा अन्तरगत गर्भबती महिला देखि ३ वर्ष सममका संन्ताका आमाहरुलाई छलफलनमा बोलाई पुरक आहार बनाउने सम्बन्त्धमा जानकारी दिई खिचरी बकाएर खान समेत दिइएको थियो ।

प्लान इन्टरनेसन नेपालको आर्थिक सहयोग तथा सामाजिक विकास र अनुसन्धान केन्द्रको साझेदारीमा संचालित सशक्त बालिका परियोजना अन्तरगत अभिभावक शिक्षा कार्यक्रममा ६ महिना पुगेका बालबालिकाहरुको स्थाहारका लागि थप पुरक खाना बनाउने विषयमा बुधबार महिला स्वास्थ्य सवयंसेविका पिंकी यादव र अ.न.मी किरण दासले सहभागी महिलाहरुलाई प्रशक्षिण दिनुभएको थियो ।

वालबालिकाको विकासका क्रममा थप पुरक आहारको आवश्यक्ता पर्ने भएकाले आफ्नै घरको नजिक पाईने खानेकुराहरुलाई पौष्टिक आहार बनाई बालबालिकाहरुलाई खुवाउनु पर्ने तालिम लिएर आमाहरुले पौष्टिकताले भरिएको खिचरी बनाई खुवाएको सामाजिक विकास र अनुसन्धान केन्द्रका सशक्त बालिका परियोजनाका फिल्ड सुपरभाइजर अनोज कापरले जानकारी दिनुभएको थियो । सो कामको अनुगमन पालिकाका स्वास्थ्य शाखा प्रमुख सिकन्दर साहले गर्नुभएको थियो ।