गौशालाका डेण्टल क्लिनिकमा काउन्सिलको अनुगमन, सञ्चालक फरार
2 महीना पहिले प्रकाशित
Smrititimes
जनकपुरधाम भदौ १ । नेपाल मेडिकल काउन्सिल (एनएमसी) को अनुगमन टोलीले महोत्तरीको गौशाला बजारमा सञ्चालित एक डेन्टल क्लिनिकमा अनुगमन गरेको छ । अनुगमनका क्रममा क्लिनिक बन्द अवस्थामा भेटिएपछि सञ्चालकको उपस्थितिबारे समेत प्रश्न उठेको छ ।
काउन्सिलको टोली क्लिनिक सञ्चालनका लागि आवश्यक दर्ता तथा अनुमति, कार्यरत चिकित्सकको नेपाल मेडिकल काउन्सिलमा भएको दर्ता, स्वास्थ्यकर्मीको शैक्षिक योग्यता र सेवा सञ्चालनसम्बन्धी अन्य कानुनी कागजात जाँच गर्न गौशाला पुगेको थियो । तर, टोली पुग्दा क्लिनिक बन्द रहेको र सञ्चालकसमेत सम्पर्कमा नआएको काउन्सिलले जनाएको छ ।
डेन्टल क्लिनिक तथा स्वास्थ्य संस्था सञ्चालनमा स्थानीय तहको भूमिका समेत महत्वपूर्ण हुने भएकाले घटनाले गौशाला नगरपालिकाको स्वास्थ्य शाखा तथा सम्बन्धित नियमनकारी निकायले निजी स्वास्थ्य संस्थाको नियमित अनुगमन, दर्ता र मापदण्ड पालना भए/नभएको विषयमा कति प्रभावकारी रूपमा निगरानी गरिरहेको छ भन्ने प्रश्न उठाएको छ ।
स्थानीय तहबाट स्वास्थ्य संस्था सञ्चालनका लागि आवश्यक अनुमति, दर्ता, पूर्वाधार, जनशक्ति तथा सेवा मापदण्डको अनुगमन हुनुपर्ने भए पनि कतिपय निजी स्वास्थ्य संस्थामा नियमित अनुगमनको अभाव देखिने गरेको स्थानीयस्तरमा गुनासो रहँदै आएको छ । यस्तो अवस्थामा संघीय नियमनकारी निकायले आएर अनुगमन गर्नुपर्ने अवस्थाले स्थानीय स्वास्थ्य प्रशासनको अनुगमन प्रणालीलाई थप प्रभावकारी बनाउनुपर्ने आवश्यकता देखाएको छ ।
काउन्सिलले उक्त क्लिनिकमा कानुनी प्रक्रिया पूरा भए/नभएको, कार्यरत चिकित्सक तथा स्वास्थ्यकर्मीको योग्यता र सम्बन्धित निकायमा उनीहरूको दर्तालगायतका विषयमा छानबिन भइरहेको जनाएको छ । अनुगमनका क्रममा क्लिनिक बन्द गरेर सञ्चालक सम्पर्कविहीन भएको विषयलाई समेत गम्भीर रूपमा लिइएको टोलीको भनाइ छ ।
काउन्सिलको टोलीले आवश्यक प्रमाण तथा तथ्य संकलन गरी प्रचलित कानुन र सम्बन्धित निकायको नियमअनुसार थप कारबाही प्रक्रिया अघि बढाउने जनाएको छ ।
यसैबीच, स्वास्थ्य सेवासँग प्रत्यक्ष जोडिएको विषय भएकाले गौशाला नगरपालिकाको स्वास्थ्य शाखाले पनि नगर क्षेत्रमा सञ्चालनमा रहेका डेन्टल क्लिनिक तथा अन्य निजी स्वास्थ्य संस्थाको अवस्था, दर्ता, चिकित्सक तथा स्वास्थ्यकर्मीको योग्यता र सेवा मापदण्डको नियमित अनुगमन गर्नुपर्ने आवश्यकता देखिएको छ । स्थानीय तह र संघीय नियमनकारी निकायबीच प्रभावकारी समन्वय हुन सके मात्रै अवैध वा मापदण्डविपरीत सञ्चालन भइरहेका स्वास्थ्य संस्थामाथि समयमै निगरानी र कारबाही गर्न सकिने सरोकारवालाको भनाइ छ ।
अनुगमन टोलीसँगै नेपाल डेन्टल एसोसिएसनका केन्द्रीय अध्यक्ष डा. अजयकुमार शाह, नेपाल डेन्टल एसोसिएसन महोत्तरी–सर्लाहीका अध्यक्ष डा. गंगाराम खर्गा, नेपाल डेन्टल एसोसिएसन धनुषाका महासचिव डा. सुमन कर्ण, डा. राजेश शाहलगायत विज्ञ टोली पनि गौशाला पुगेको थियो ।
स्वास्थ्य सेवा नागरिकको जीवनसँग प्रत्यक्ष जोडिएको विषय भएकाले निजी क्लिनिकको दर्ता र अनुमति मात्र नभई योग्य चिकित्सकबाट सेवा प्रवाह भइरहेको छ कि छैन, आवश्यक उपकरण तथा पूर्वाधार छन् कि छैनन् र बिरामीको सुरक्षाका लागि तोकिएका मापदण्ड पालना भएका छन् कि छैनन् भन्ने विषयमा स्थानीय तहले समेत नियमित निगरानी गर्नुपर्ने देखिएको छ।
जनकपुरधामको सस्ता बजारमा संयुक्त अनुगमन, अखाद्य रङ प्रय..
जनकपुरधाम, २८ असोज। जनकपुरधामको ऐतिहासिक राम मन्दिर क्षेत्रमा सञ्चालन भइरहेको सस्ता बजारमा बुधबार विभिन्न स..
4 घन्टा पहिले
जनकपुरधामको सस्ता बजारमा संयुक्त अनुगमन, अखाद्य रङ प्रय..
जनकपुरधाम, २८ असोज। जनकपुरधामको ऐतिहासिक राम मन्दिर क्षेत्रमा सञ्चालन भइरहेको सस्ता बजारमा बुधबार विभिन्न स..
4 घन्टा पहिले
नगराइनमा नौ पसल तथा खाद्य उद्योगमा अनुगमन म्याद गुज्रिए..
जनकपुरधाम असोज २७ गते । धनुषाको नगराइन नगरपालिकामा खाद्य प्रविधि तथा गुण नियन्त्रण कार्यालय जनकपुरधामको नेतृत्..
1 दिन पहिले
ग्रामीण महिला किसानको सशक्तीकरण र सम्मान बढाउन जोड
जनकपुरधामअसोज २६ गते । मधेश प्रदेशमा ग्रामीण महिला किसानको आर्थिक सशक्तीकरण, नेतृत्व विकास, जलवायु उत्थानशील कृ..
1 दिन पहिले
रौतहटका तीन स्थानीय तहमा विपद् जोखिम सञ्चार योजना निर्म..
जनकपुरधाम असोज २६ गते । विपद् जोखिम न्यूनीकरण, पूर्वतयारी तथा प्रभावकारी सूचना प्रवाहलाई सुदृढ बनाउने उद्देश्य..
2 दिन पहिले
एम्नेस्टी इन्टरनेशनल जनकपुरधामको बैठक सम्पन्न, मानव अध..
जनकपुरधाम, असोज २६ गते । एम्नेस्टी इन्टरनेशनल नेपाल, जनकपुरधाम युवा समूह–५७ को बैठक विभिन्न महत्वपूर्ण निर्णय ..
2 दिन पहिले
स्वास्थ्य क्षेत्रका समस्या समाधान गर्न स्वास्थ्य सचिवल..
जनकपुरधाम भदौँ ३० गते । मधेस प्रदेशको स्वास्थ्य क्षेत्रमा देखिएका विकृति, लापरवाही, अनियमितता तथा सेवाग्राहीका ..
29 दिन पहिले
नागरिक आरोग्य सेवा केन्द्र सिरसियालाई ल्यापटप हस्तान्..
जनकपुरधाम भदौँ १८ गते । प्रादेशिक आयुर्वेद तथा वैकल्पिक चिकित्सालय, मुजेलिया धनुषाले नागरिक आरोग्य सेवा केन्द्..
1 महीना पहिले
नगराईनमा दर्ता बिनाका औषधि पसलमा अनुगमन, दुई मेडिकल हलमा..
नगराइन, ९ भदौ । औषधि व्यवस्था विभाग, स्वास्थ्य तथा जनसंख्या मन्त्रालय अन्तर्गत वीरगञ्ज कार्यालयले आज धनुषा..
2 महीना पहिले
गलत मेडिकल रिपोर्ट प्रकरणमा डा.सिंह र गोइतलाई ३महिना कैद..
जनकपुरधाम भदौ ९गते । बलात्कारसम्बन्धी घटनामा गलत मेडिकल प्रतिवेदन दिएको अभियोगमा जनकपुरधामका चिकित्सकद्..
2 महीना पहिले
ढल्केबर ट्रमा सेन्टर अन्यत्र सार्ने प्रयासविरुद्ध चौथो..
जनकपुरधाम साउन २४ गते । धनुषाको ढल्केबरमा कायम गरिएको ट्रमा सेन्टर अन्यत्र सार्ने षड्यन्त्र भएको भन्दै स्थानीय..
2 महीना पहिले
सिया मेडिकेयरमा आकस्मिकदेखि आईसीयू–एनआईसीयूसम्मका से..
जनकपुरधाम साउन २४ गते । जनकपुरधामको कदम चोकमा रहेको सिया मेडिकेयरले स्वास्थ्य सेवाको दायरा विस्तार गर्दै आक..
2 महीना पहिले
जानकी महिला जागरण समाजद्वारा ओरेक धनुषाको सुरक्षा आवास..
जनकपुरधाम असोज २६ गते । जानकी महिला जागरण समाजले ओरेक धनुषाको सुरक्षा आवासमा आश्रय लिइरहेका हिंसा प्रभावित महिल..
नगराइनमा नौ पसल तथा खाद्य उद्योगमा अनुगमन म्याद गुज्रिए..
जनकपुरधाम असोज २७ गते । धनुषाको नगराइन नगरपालिकामा खाद्य प्रविधि तथा गुण नियन्त्रण कार्यालय जनकपुरधामको नेतृत्..
जनकपुरमा ध्वनि प्रदूषण गर्ने २४ मोटरसाइकल प्रहरी नियन्..
जनकपुरधाम असोज २६ गते । चाडपर्वलाई लक्षित गरी सञ्चालन गरिएको सुरक्षा अभियानअन्तर्गत धनुषा प्रहरीले जनकपुरधामक..
रौतहटका तीन स्थानीय तहमा विपद् जोखिम सञ्चार योजना निर्म..
जनकपुरधाम असोज २६ गते । विपद् जोखिम न्यूनीकरण, पूर्वतयारी तथा प्रभावकारी सूचना प्रवाहलाई सुदृढ बनाउने उद्देश्य..