युवा व्यवसायीलाई डिजिटल मार्केटिङ तालिम सम्पन्न

1 वर्ष पहिले प्रकाशित

Smrititimes

जनकपुरधाम
माघ १५ गते । व्यवसायमा लागेका धनुषा जिल्लाका पाँच वटा पालिकाका १५ जनालाई जानकी महिला जागरण समाज(ज्वास)ले व्यापार प्रवद्र्धनको लागी डिजिटल प्लेटफर्मको प्रयोग सम्बन्धि तालिम प्रदान गरेको छ । प्लान इन्टरनेशनल नेपालको आर्थिक सहयोगमा संचालन गरेको दक्ष युवा परियोजना अन्तरगत ज्वासले धनुषाको सबैला नगरपालिका,शहिदनगर नगरपालिका,विदेह नगरपालिका,कमला नगरपालिका र जनकनन्दनी गाँउपालिकामा संचालनमा रहेका विभिन्न व्यवासायका संचालकहरुलाई सो परियोजना अन्तरगत मंगलबार एक दिनको तालिम प्रदान गरेको हो । सो तालिमको सहजिकरण डिजिटल मार्केटीङ कन्सल्टेन्ट्–राकेश पासवानले गर्नुभयो ।

सहभागिहरुलाई उहाँले कृएशन्, फेसबुकमा व्यवसायिक पेज बनाउने, फेसबुक तथा अन्य सामाजिक सन्जालहरुको प्रयोग गरी व्यवसायलाई कसरी प्रवर्धन गर्ने लगायतका विषयमा सहभागिलाई जानकारी दिनुभयो ।

तालिममा सहभागी युवा व्यवसायीहरुलाई परियोजनका संयोजक विशाल कुमार कर्णले यो कार्यक्रमको उदेश्य परियोजनावाट सहयोग पाई बिभिन्न ब्यबसाय गरिरहनुभएको सहभागिहरुले डिजिटल प्लेटफर्मको प्रयोग गरी आफ्नो व्यबसायलाई प्रवर्धन गर्न, सोसल मिडिया को माध्यम प्रयोग गरी व्यबसायको प्रचार प्रसार, सम्भावित ग्राहकको खोजी तथा व्यवसायलाई व्यवस्थित गरी आम्दनी बृद्घि हुने उदेश्यले यो कार्यक्रम संचालन गरिएको जानकारी गराउनुभयो ।

सो तालिममा प्लान इन्टरनेशनल नेपालका प्रोजेक्ट अफिसर किशोर कुमार कर्ण ,ज्वासका परियोजना सँयोजक बिशाल कुमार कर्ण, एमेनी ओफिसर सुश्मिता ठाकुर सहितकाको उपस्थिती रहेको थियो ।

कार्यक्रममा पाँचवटै पालिकाका सामाजिक परिचालन अधिकृतहरुको सहभागिता रहेको थियो । ज्वासले दक्ष युवा परियोजना मार्फत धनुषाको पाँच पालिकामा ३५० जना युवालाई आत्म निर्भताका लागि विभिन्न खालका शिप मुलक तथा स्वरोजगार मुलक तालिम दिएको छ भने त्यस मध्ये ९५ जनालाई व्यवसाय संचालन गर्न विउ पुँजी उपलब्ध गराएको छ ।