विदेह तिनका आमा समुहलाई करेशावारी सम्बन्धी तालिम सम्पन्न

4 महीना पहिले प्रकाशित

Smrititimes

जनकपुरधाम
माघ १६ गते ।
शारीरिक स्वस्थ्यताका लागि आफ्ने करेशावारीमा बिषादी रहित तरकारी उत्पादन गर्ने उद्देश्यले सामाजिक विकास र अनुसन्धान केन्द्रले बिदेह नगरपालिका वडा नं. ३ का आमा समुहलाई दुई दिने तालिम प्रदान गरेको छ । प्लान ईन्टरनेशनल नेपालको सहयोग विदेह नगरपालिकाको समन्वय तथा सामाजिक विकास र अनुसन्धान केन्द्रको आयोजनामा संचालित सशक्त वालिका परियोजना अन्तरगत गठित स्वास्थ्य आमा समुहको सहभागीहरुलाई करेशावारी सम्बन्धी दुई दिने तालिममा आफ्नै बारीमा विषादी रहित सागपात तथा तरकारीको बेर्ना उमार्ने देखि तरकारी रोप्ने प्रबृधि सम्मको तालिम प्रदान गरिएको छ ।

सो तालिममा सहभागी आमा समुहका सदस्यहरुलाई प्रशिक्षक दिपक राज पाठकले नर्सरी बनाउनु भन्दा पहिला २१ दिन सम्म सुर्यको प्रकाशबाट माटो निर्मलिकरण गर्नुपर्ने तरिकाको बारेमा जानकारी गराउदै कमपोष्ट मल तयार गर्ने प्रबृधिका बारेमा जानकारी दिनुभयो । करेशाबारीमा काँचो गोवर नहाली कम्पोष्ट मल बनाएर मात्र प्रयोग गर्नुपर्ने बताउनु भयो । प्रशिक्षक पाठकले झोल जैविक विषादी बनाउने तरिका सिकाएर बारीमा लगाएको तरकारीबालीमा रोग लाग्ना साथ ति झोल जैविक विषादी एक भागमा १२ भाग पानी मिसाएर प्रयोग गर्न सिकाउनु भयो । उहाँले घरघरमा कम्पोष्ट मलको खाल्डो बनाई जैविक मल बनाउन सिकाउनु भयो ।

सो तालिममा सहभागी भएका विदेह नगरपालिकाका कृषि अधिकृत बब्लु कुमार यादवले यो तालिम पछि अब किसानहरुले करेसाबारीको बारीमा जानकारी पाएको कारण उनिहरुले अब आफ्नै घरआँगनमा रहेको करेशावारीमा विषादीमूक्त तरकारी उत्पादन गरी प्रयोग गर्ने तालिम लिएकाले यसबाट पारिवारीक स्वास्थ्यमा साकारात्मक असर पार्ने बताउनु भयो । प्रशक्षिकले सिकाएको प्रबिधिले करेशावारीमा तरकारी उत्पादन गर्दा अन्य वडाका किसानहरुले समेत यो प्रबृधि अपनाउन सकिने बताउनु भयो ।

सो तालिममा सहभागी विदेह नगरपालिका वडा नं. ३ का वडा सदस्य इन्दल मण्डलले उक्त तालिममा सहभागीहरुले करेशाबारीको बारेमा दिएको जानकारीबाट आफु पनि लाभान्वित भएको जानकारी गराउनु भयो । उहाँले करेशाबारीका बारेमा सिकेको जानकारीले अन्य किसानहरुलाई समेत सिकाउने बताउनु भयो । सो पालिकाको वडा नं. ३ मा रहेका पाँच वटा आमा समुहबाट तीन तीन जना सदस्यहरुलाई सहभागी गराई सो तालिम प्रदान गरिएको परियोजनाका फिल्ड सुपरभाईजर दिब्या झाले जानकारी दिनुभयो ।

तालिममा वडा नं. ३ का गोबराही, कर्माही र चिकनाका १५ जना आमा समुहका सदस्यहरुको सहभागिता रहेको थियो ।यो भन्दा पहिला विदेह नगरपालिका वडा नं. ९ र जनकनन्दिनी गाउँपालिका वडा नं. ३ र ४ मा रहेका आमा समुहलाई करेशाबारी सम्बन्धी तालिम प्रदान गरिएको फिल्ड सुपरभाइजर झाले जानकारी दिनुभयो ।