एकडारा बेलाका ज्येष्ठ नागरिकलाई आँप तथा लिच्चीका विरुवा वितरण

3 महीना पहिले प्रकाशित

Smrititimes

जनकपुरधाम
पुस २५ गते ।
महोत्तरी जिल्लाको एकडारा गाउँपालिका वडा नं. २ बेलाका ज्येष्ठ नागरिकहरुलाई जनही एक आँप र एक लिच्चीका विरुवा वितरण गरिएको छ । ज्येष्ठ नागरिकको सम्मान, वातावरण संरक्षण तथा प्रवद्र्धनका लागि बृक्षारोपण कार्यक्रम अन्तरगत ति विरुवाहरु वितरण गरिएको छ ।

उज्यालो नेपाल संस्थाको आयोजना तथा अमेरिकन लाईफ ईन्सोरेन्स कम्पनी मेटलाईफको सहयोगमा बेलाका ४ सय जना सामाजिक सुरक्षा भत्ता लिने ज्येष्ठ नागरिकलाई जनही एउटा आँपको बोट तथा एउटा लिच्चीको विरुवा वितरण गरिएको मेटलाईफका जनकपुरधाम शाखाका प्रवन्धक सुनिल ठाकुरले जानकारी दिनुभयो । सो वडाका वडाधयक्ष सखीचन्द्र यादवको प्रमुख आतिथ्यमा विरुवा वितरण गरिएको छ ।

वडाध्यक्ष यादवले विरुवा पाएका ज्येष्ठ नागरिकहरुलाई सम्मान स्वरुप विरुवा वितरण गरिएकोमा आयोजक संस्था तथा सहयोगी कम्पनीलाई धन्यवाद व्यक्त गर्दै विरुवालाई रोपी स्याहार गर्दै सदुपयोग गर्न आग्रह गर्नुभयो ।

उहाँले फलको नियमित सेवनले स्वास्थ्य राम्रो हुने भएकाले एक वडामा ८ सय वडा फलको विरुवा लगाउनु साकारात्मक पहल भएको समेत बताउनु भयो । पहिलेको तुलनामा बोटविरुवाको संख्या कमभएको बेला वातावरण संरक्षणका लागि समेत साकारत्मक सन्देश दिई फलफुल लगाई खान तथा आय आर्जन समेत गर्न प्रोत्साहन स्वरुप सो विरुवा वितरण गरिएको आयोजकको भनाई छ ।

सो विरुवा वितरण कार्यक्रममा मेटलाईफका जनकपुरधाम शाखाका प्रवन्धक सुनिल ठाकुर,आयोजक उज्यालो नेपालका अधयक्ष रोशन कुमार साह,सचिव बबिता कुमारी सिँह, कोषध्यक्ष मनोज कुमार महतो, सदस्य समिम घिमिरे लगायतको सहभागिता रहेको थियो ।