मह उत्पादनमा मधेश प्रदेश आत्मनिर्भर तर खपत छैन

6 महीना पहिले प्रकाशित

Smrititimes

जनकपुरधाम
जेठ २५ गते । शरीरका लागि अति लाभदायक रहेको मह उत्पादनमा मधेश प्रदेश आत्म निर्भर भएपनि उत्पादन भएको भह विक्रीमा समस्या भईरहेको छ । विश्व खाद्य स्वच्छता दिवसका अवसरमा जनकपुरधाममा खाद्य प्रविधि तथा गुण नियन्त्रण कार्यालय मधेश प्रदेशको आयोजनामा भएको अन्तरक्रिया कार्यक्रममा बोल्दै प्रमुख अतिथी जनकपुरधाम उद्योग वाणिज्य संघका अध्यक्ष सुरेन्द्र भंडारीले स्थानीय सरकारलाई खाद्य स्वच्छता संग मतलब नै नरहेको आरोप लागउनु भयो । जनकपुरधाम नगरक्षेत्र भित्र खाद्य स्वच्छतालाई कायम राख्न उपमहानगरपालिकाले खासै ध्यान नदिएको आरोप लगादै उहाँले नियमित रुपमा अनुगमन गर्न सक्रिय हुनुपर्ने बताउनु भयो ।

उहाँले जनकपुरधाम बजारमा अहिले भारतबाट अबैध रुपमा आयात भएका अखाद्य सफ्ट ड्रिङकहरु विक्री भईरहेकाले यस तर्फ समेत सजग हुन उपभोक्ताहरुलाई आग्रह गर्नुभयो । सिमा क्षेत्रमा भारतम ाबनेका तर नेपाली लोगो र अन्तः शुल्क कार्यालयको लेवल समेत टाँसेको चुरोटका बट्टाहरु विक्री भईरहेकाले स्थानीय प्रशासनलाई समेत त्यस तर्फ ध्यानाकर्षण गराउनु भयो । खाद्य प्रविधि तथा गुण नियन्त्रण कार्यालय जनकपुरधामका प्रमुख वरिष्ठ खाद्य अनुसन्धान अधिकृत तथा खाद्य बैज्ञानिक हस्त बहादुर राईको अध्यक्षतामा भएको सो कार्यक्रममा बोल्दै कुशल व्यवसाय परामर्श तथा तालिम केन्द्र प्रा.लि निजगढका अध्यक्ष सरोज कोइरालाले गत वर्ष मधेश प्रदेशमा ९३ टन मह उत्पादन भएको जानकारी दिनुभयो । यहाँ उत्पादन भएको शुद्ध मह आम उपभोक्ताले खरिद नगरी भारतबाट अबैध तरिकाले ल्याइएका गुणस्तरहिन मह बजारमा विक्री भइरहेको प्रति आम उपभोक्तालाई सजग रहन समेत आग्रह गर्नुभयो । सो कार्यक्रममा बोल्दै मौरी पालक महासंघ मधेश प्रदेशका अध्यक्ष रतन दास खतिवडाले ‘गरौ दैनिक एक चम्चा मह सेवन, रहौँ सव्स्थ्य र दिर्घ जीवन’ भन्दै सबै जनालाई नियमित रुपमा मह सेवन गर्न आग्रह गर्नुभयो ।

प्रदेश भरी मौरी पालक किसानको संख्या २ सय ९३ जना भएपनि ९० जना व्यवसायी तथा १० जनाले मौरी पालनको लाइसेन्स लिएको समेत जानकारी दिनुभयो । कार्यालयका खाद्य अनुसन्धान अधिकृत प्रदिप संगौलाले संचालन गर्नुभएको सो कार्यक्रममा खाद्य अनुसन्धान अधिकृत रमेश दहाल, रोशन कुमार साह, खाद्य निरिक्षण अधिकारी प्रविण कुमार तिवारी,जनकपुर दुग्ध उत्पादन संस्थान ढल्केवर(डि.डि.सि.)का प्रतिनिधि नन्दकिशोर चौधरी , उपभोक्ता हित संरक्षण मञ्चकाका केन्द्रिय सदस्य सुभद्रा आले लगायतकाले मन्तव्य राख्दै आम उपभोक्ताको स्वास्थ्यको ध्यानमा राखी खाद्य बस्तुहरुको उत्पादन र विक्री गर्नुपर्नेमा जोड दिए । विश्व खाद्य सवच्छता दिवस प्रत्येक वर्ष ७ जुनका दिन बनाउने गरिन्छ ।