अन्तराष्ट्रिय महिला दिवसको अवसरमा सीएफडब्लुएले गरे विभिन्न कार्यक्रम

10 महीना पहिले प्रकाशित

Smrititimes

जनकपुरधाम
फागुन २४ गते ।
अन्तराष्ट्रिय महिला दिवसको अवसरमा शनिबार सामुदायिक परिवार कल्याण संघ(सिएफडब्लुए)ले धनुषा जिल्लाको दुई वटा पालिकामा विभिन्न कार्यक्रमहरु गरेका छन् । प्लान इन्टरनेसनल नेपालको साझेदारी संघको आयोजनामा संचालित सशक्त वालिका परियोजना अन्तरगत जिल्लाको जनकनन्दिनी गाउँपालिका वडा नं. ४ मा ११५ औँ अन्तराष्ट्रिय महिला दिवसको अवसरमा स्थानीय महिलाहरुको सहभागितामा म्युजिकल चेयर तथा घैटा फोर्ने खेल सम्पन्न गरेको छ । सो पालिकाका उपप्रमुख कमला सहगलको अध्यक्षतामा भएको सो खेलहरुमा परियोजना संग सम्बन्धित महिलाहरुका बिच भएको सो खेलहरुका विजेताहरुलाई पुरस्कृत समेत गरिएको परियोजना संयोजक यमलाल साशंकरले जानकारी दिनुभयो । म्युजिकल चेयर खेलमा प्रथम भएकी प्रमिला मंडल, दोस्रो भएकी मनिता मंडल तथा तेस्रो भएकी अस्मीता राउत र घैटा फोर्ने खेलमा पहिलो भएकी अमिरकला महरा,रविता मंडल तथा तेस्रो भएकी जानकी मुखियालायृ जनही एक थान साड़ीले पुरस्कृत गरिएको थियो । सो खेलहरुमा सहभागी भएकाहरुलाई सान्तवना पुरस्कार समेत प्रथान गरिएको थियो ।सहभागीहरुलाई पालिकाका कार्यपालिका सदस्यहरु वविता राय कुर्मी,सोभा कुमारी यादव तथा सामुदायिक परिवार कल्याण संघका कार्यक्रम संयोजक यमलाल साशंकरले पुरस्कार वितरण गर्नुभएको थियो । खेलमा सहभागी भएकाहरुलाई सो पालिकाका स्वास्थ्य शाखा प्रमुख सिकिन्दर साहले महिलाहरुको स्वास्थ्यका लागि पालिकाले गर्ने कामहरुका बारेमा जानकारी दिदै अन्तराष्ट्रिय महिला दिवसको सन्दर्भलाई साझा गर्नुभएको थियो । जनकनन्दिनी गाउँपालिकाको समन्वयमा सो कार्यक्रम भएको थियो ।
त्यस्तै, ८ मार्चकै सनदर्भमा विदेह नगरपालिका वडा नं. १ श्री ठाढी माविमा महिला अधिकारका बिषयमा भएको वक्तृत्वकला प्रतियोगितामा जनता नमुना मावि तिनकौरियाका छात्र बलाराम कुमार शर्मा प्रथम, विशाल मंडल दोस्रो तथा श्रीमावि ठाढीका अस्मिता सहनी तृतिय भएका छन् । सशक्त वालिका परियोजना अन्तरगत नै भएको सो वक्तृतवकला प्रतियोगितामा सहभागी भएका अन्य विद्यार्थीहरुलाई सान्तवना पुरस्कार प्रदान गरिएको थियो । वडा नं. १ का वडाध्यक्ष संजय पाण्डेको अध्यक्षतामा विदेह नगरपालिकाका उपप्रमुख आशा झाको प्रमुख आतिथ्यमा भएको सो वक्तृत्वकला प्रतियोगितामा सहभागी विद्यार्थीहरुले महिला अधिकारका विषयमा प्रस्तुती गरेका थिए । सो कार्यक्रममा, संघका कर्मचारी,प्रत्याभूत परिवार, सीओसी सहभागी, युथ क्लवका सदस्यहरु, शिक्षक, अभिभावक, विभिन्न विद्यालयका विद्यार्थीहरु लगायतको सहभागिता रहेको थियो ।