सवारी दुर्घटना विरुद्ध युवा अभियान २०८२ कार्यक्रम सम्पन्न

5 महीना पहिले प्रकाशित

Smrititimes

जनकपुरधाम
पुस १८ गते ।

धनुषा जिला मे सवारी दुर्घटना विरुद्ध युवा अभियान २०८२ कार्यक्रम सफलतापूर्वक सम्पन्न भेल अछि । मधेस प्रदेश प्रहरी कार्यालय जनकपुर, धनुषाक प्रमुख प्रहरी नायब महानिरीक्षक गोबिन्द थपलियाक प्रमुख आतिथ्य, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय पथलैया, बाराक प्रमुख प्रहरी उपरीक्षक राजकुमार सिलवालक सहभागिता तथा जिल्ला ट्राफिक प्रहरी कार्यालय धनुषाक प्रमुख प्रहरी निरीक्षक सुर्य बहादुर शाहीक संयोजकत्व मे ई कार्यक्रम धनुषा जिल्लाक लालगढ मे आयोजित भेल छल ।

कार्यक्रम मे प्रमुख अतिथि ज्यू युवासभक सवारी दुर्घटना न्यूनिकरण मे महत्वपूर्ण भूमिका रहल बात बतबैत सवारी नियमक पालन, सचेतना आ जिम्मेवार व्यवहार आजुक आवश्यकता रहल बात पर जोर देलनि । हुनका अनुसार एहन अभियान सभ समाज मे सकारात्मक परिवर्तन अनैत अछि से विश्वास सेहो व्यक्त कएलनि ।

उक्त कार्यक्रम मे स्थानीय समाजसेवी, भद्रभलादमी, प्रहरी कर्मचारी, युवा, विभिन्न संघ–संस्थाक प्रतिनिधि तथा स्थानीय समुदाय केर उल्लेखनीय सहभागिता रहल छल । अभियानक माध्यम सँ सवारी सुरक्षा सम्बन्धी सचेतनामूलक सन्देश प्रवाह करैत सुरक्षित सवारी संस्कृतिक विकास मे सहयोग पुर्‍याबय के उद्देश्य राखल गेल छल ।

तहिना अभियान सफल बनेनाय मे सहयोग करनिहार सभ गोटे प्रति धन्यवाद ज्ञापन करैत भविष्य मे सेहो एहन जनचेतनामूलक कार्यक्रम निरन्तर सञ्चालन करबाक प्रतिबद्धता व्यक्त कए कार्यक्रम सम्पन्न कएल गेल अछि ।