विपत्ति व्यवस्थापन सम्बन्धी तालिममे सशस्त्र प्रहरी नायब निरीक्षक अजीत कुमार झा प्रथम

5 महीना पहिले प्रकाशित

Smrititimes

जनकपुरधाम
पुस २९ गते ।

सशस्त्र प्रहरी बल, नेपालक नायब निरीक्षक अजीत कुमार झा विपत्ति व्यवस्थापन सम्बन्धी तालिममे उत्कृष्ट प्रदर्शन करैत प्रथम पुरस्कार प्राप्त करए सफल भेलाह।

सशस्त्र प्रहरी बल, नेपाल विपत्ति व्यवस्थापन तालिम शिक्षालय कुरिनटार, चितवनद्वारा सञ्चालन कएल गेल सि. अ. जु. अ. तथा अन्य दर्जा तालिम मे सहभागी सभमध्य नायब निरीक्षक झाले सर्वोत्कृष्ट नतिजा प्राप्त करैत प्रथम स्थान हासिल कएने छथि।

उक्त तालिमक प्रारम्भ मिति २०८२÷०५÷०८ गते आ समापन मिति २०८२÷०९÷२८ गते रहल छल। तालिम अवधिभर प्राविधिक ज्ञान, व्यवहारिक सीप आ अनुशासनमे उत्कृष्ट प्रदर्शन कएबाक कारण हुनका प्रथम पुरस्कार प्रदान कएल गेल।

नायब निरीक्षक झा वर्तमानमे सशस्त्र प्रहरी बल, नेपाल नं. ९ गण हेडक्वार्टर, महोत्तरीमे कार्यरत छथि। हुनकर ई उपलब्धि व्यक्तिगत रूपेसँ मात्र नहि, बल्कि सशस्त्र प्रहरी बलक व्यावसायिक दक्षता आ प्राविधिक क्षमतामे सेहो सकारात्मक सन्देश प्रवाहित कएने अछि।

कार्यक्रम आयोजकसभ तालिमसँ प्राप्त सीप सेवामे आओर प्रभावकारिता लाएत विश्वास व्यक्त कएलनि आ आगामी दिनमे एहन व्यावसायिक तथा प्राविधिक तालिमसभ निरन्तर सञ्चालन कएल जाएत जानकारी देलनि।