धनुषामे एक युवतीक हत्या कयल गेल अवस्था मे लास भेटल

2 घन्टा पहिले प्रकाशित

Smrititimes

जनकपुरधाम, माघ २८ । जनकपुरधामक वडा नं. १७ मे एक युवतीक लाु भेटल अछि । ओ वडाक मूल सड़क सँ लगभग ५० मीटर भीतर बाट पर शव भेटल अछि, एहि बातक जानकारी धनुषाक प्रहरी उपरीक्षक रुगम बहादुर कुँवर देलनि अछि ।
स्थानीय बासिन्दा सभ आई भोरमे सड़क कात शव देखलाकबाद प्रहरीके सूचना देलक । प्रहरी पहुँचि शव अपने नियन्त्रण मे लैत पोस्टमार्टम लेल प्रादेशिक अस्पताल जनकपुरधाम मे आनल गेल । महिला प्रहरी द्वारा जाँच–पड़ताल कयलापर ई स्पष्ट भेल जे मृत व्यक्ति एक युवती अछि, प्रहरी जनौने अछि ।

शुरुआत मे स्थानीय लोकसभ एकरा तेसर लिङ्गी बताबैत अफवाह फैलौने छल, मुदा प्रहरी अनुसन्धान सँ स्पष्ट भेल जे मृतका २२ वर्षक युवती छथि, जे धनुषाक विदेह नगरपालिका निवासी छथि । एहि बातक पुष्टि जिल्ला प्रहरी कार्यालय धनुषा कयलक अछि ।
युवतीक गरदनपर ओढ़नी बेरल जेकाँ नील दाग देखायल अछि । मृतका क पर्स सँ मोबाइल बरामद भेलापर हुनकर पहिचान खुलल, मुदा अनुसन्धान मे बाधा नआवए ताहि लेल प्रहरी मृतक युवतीक नाम गोप्य राखने अछि ।
शव पोस्टमार्टम लेल प्रादेशिक अस्पताल मे राखल अछि । प्रहरी घटना सम्बन्ध मे विभिन्न कोण सँ अनुसन्धान क रहल अछि । प्रहरी अनुसार ई घटना हत्या जेकाँ प्रतीत होइत अछि आ तहिना जाँच आगाँ बढ़ायल जा रहल अछि ।