एनआईएमबी बैँकले गरे रानिमाविका विद्यार्थीलाई शैक्षिक सामग्री वितरण

2 महीना पहिले प्रकाशित

Smrititimes

जनकपुरधाम
चैत ९ गते ।
धनुषा जिल्लाको नगराईन स्थित राजेश्वर निधि माविका शिशु कक्षा देखि पाँच सम्मका एक सय ४९ जना विद्यार्थीलाई नेपाल इन्भेष्टमेण्ट मेगा बैँक लि.ले शैक्षिम सामग्री वितरण गरेका छन् । सो बैँकद्वारा संचालित संस्थागत सामाजिक उत्तरदायित्व कार्यक्रम अन्तरगत विद्यार्थीहरुलाई विद्यालय पोशाक, झोला,जुता तथा स्टेशनरी सामानहरु वितरण गरिएको बैँकका नगराईन शाखाका ईन्चार्ज मुकेश कुमार यादवले जानकारी दिनुभयो ।

सो विद्यालयका प्रधानाध्यापक प्रमेन्द्र कुमार निधीको अध्यक्षता तथा नगराईन नगरपालिकाका नगरप्रमुख विनय कुमार यादवको प्रमुख आतिथ्यमा एक कार्यक्रमका बिच सो विद्यार्थीहरुलाई शैक्षिक सामग्री वितरण गरिएको छ ।

सामादायिक विद्यालयमा अध्ययनरत विद्यार्थीहरुको सहयोगका लागि यस्ता गतिविधिले थप उर्जा दिएको बताउदै पालिकाले समेत उनिहरुको शैक्षिक विकासका लागि योजनाहरु बनाइरहेको नगरप्रमुख यादवले बताउनु भयो । सो कार्यक्रममा बैँका शाखा प्रमुख प्रकाश कुमार साहले सामाजिक उत्तरदायित्व अन्तरगत विद्यार्थीहरुलाई सो सामग्रीहरु वितरण गरेको बताउदै अगामी दिनमा समेत यस्ता गतिबिधिहरु जरी रहने प्रतिबद्धता व्यक्त गर्नुभयो ।

यता, सो कार्यक्रममा बोल्दै प्रधानाध्यापक निधीले यस्ता सहयोगले ति कलिला बालबाकिलाहरुको पढाई प्रतिको उत्साहमा बृद्धि हुने भएकाले आयोजकलाई धन्यवाद दिनुभएको थियो । सो कार्यक्रममा बैँकका कर्मचरीहरु, पालिकाका शिक्षा समितिका सदस्यहरु, विद्यालयका शिक्षक तथा कर्मचारी एवम् विद्यार्थीहरुको सहभागिता रहेको थियो ।