जनकपुरधाममा महिला नेतृत्व तथा लैंगिक हिंसा न्यूनीकरण सम्बन्धी तीनदिने तालिम सम्पन्न

1 घन्टा पहिले प्रकाशित

Smrititimes

जनकपुरधाम
बैसाख २८ गते ।

जनकपुरधाम मा लैंगिक हिंसा तथा हानीकारक परम्परागत अभ्यास रोकथाम सम्बन्धी तीनदिने नेतृत्व विकास तथा पैरवी तालिम सम्पन्न भएको छ।

महिला पुनस्र्थापना केन्द्र (ओरेक) को आयोजना तथा न्ल्इःभ्ल् को सहयोगमा “शक्तिशाली महिला, समृद्ध नेपाल” कार्यक्रम अन्तर्गत यही २०८३ वैशाख २३ देखि २५ गते (६–८ मे २०२६) सम्म तालिम सञ्चालन गरिएको हो।

तालिममा वीरगञ्ज महानगरपालिकाका ११ जना, पकाहामैनपुर गाउँपालिका का ७ जना, जनकपुरधाम उपमहानगरपालिकाका ११ जना तथा अग्नीसाईर कृष्णसवरण गाउँपालिका का ७ जना गरी कुल ३६ जना युवा महिला समूह तथा महिला मानवअधिकार रक्षक सञ्जालका प्रतिनिधिहरूको सहभागिता रहेको थियो।

तीनदिने तालिमको सहजीकरण प्रशिक्षक शोभा महतो तथा ओरेक मधेश प्रदेश संयोजक विणा सिंह ले गर्नुभएको थियो।

तालिममा हानीकारक परम्परागत मान्यता तथा अभ्यासले कसरी लैंगिक हिंसा निम्त्याइरहेको छ भन्ने विषयमा विस्तृत छलफल गरिएको थियो। साथै यस्ता कुरीति तथा विभेदविरुद्ध स्थानीय सरकार र सरोकारवाला निकायसँग कसरी प्रभावकारी पैरवी गर्ने, समुदायमा सचेतनामूलक कार्यक्रम कसरी सञ्चालन गर्ने तथा महिलाले केवल महिला भएकै कारण भोग्नुपर्ने विभिन्न प्रकारका हिंसाबारे सहभागीहरूलाई जानकारी गराइएको आयोजकले जनाएको छ।

कार्यक्रममा सहभागी महिलाहरूले समुदायस्तरमा महिला अधिकार संरक्षण, हिंसा न्यूनीकरण तथा हानिकारक सामाजिक अभ्यास अन्त्यका लागि सक्रिय भूमिका निर्वाह गर्ने प्रतिबद्धता व्यक्त गरेका छन्।