प्रहरी निरीक्षक मन्दिप चौहानको स्वागत तथा परिचयात्मक कार्यक्रम सम्पन्न

2 महीना पहिले प्रकाशित

Smrititimes

जनकपुरधाम
असार ४ गते ।
इलाका प्रहरी कार्यालय सबैला, धनुषाको कार्यालय प्रमुखको जिम्मेवारीमा सरुवा भई आउनुभएका प्रहरी निरीक्षक मन्दिप चौहानको स्वागत तथा परिचयात्मक कार्यक्रम सम्पन्न भएको छ । बिहिबार आयोजित परिचयात्मक तथा अन्तक्र्रिया कार्यक्रममा इलाकाको जिम्मेवारी क्षेत्रभित्र पर्ने स्थानीय तहका जनप्रतिनिधिहरू, समाजसेवीहरू, विभिन्न राजनीतिक दलका प्रतिनिधिहरू तथा स्थानीय नागरिकहरूको उल्लेखनीय सहभागिता रहेको थियो । कार्यक्रममा प्रहरी निरीक्षक चौहानलाई सहभागीहरूले स्वागत गर्दै सफल कार्यकालको शुभकामना व्यक्त गरेका थिए। सो अवसरमा इलाकाको शान्ति सुरक्षा अवस्था, अपराध नियन्त्रण, सामाजिक सद्भाव कायम राख्ने उपाय तथा प्रहरी–नागरिकबीचको समन्वयलाई थप प्रभावकारी बनाउने विषयमा छलफल र विचार आदानप्रदान गरिएको थियो ।
प्रहरी निरीक्षक चौहानले स्थानीय समुदायसँग सहकार्य गर्दै शान्ति सुरक्षा कायम गर्न तथा नागरिकमैत्री प्रहरी सेवा प्रवाहलाई प्राथमिकतामा राखेर काम गर्ने प्रतिबद्धता व्यक्त गर्नुभयो। सहभागीहरूले पनि समाजमा हुने विभिन्न अपराध नियन्त्रण तथा शान्ति सुरक्षा सुदृढीकरणका लागि प्रहरी र समुदायबीचको सहकार्यलाई अझ मजबुत बनाउन सुझाव दिएका थिए । कार्यक्रमले प्रहरी र स्थानीय समुदायबीचको सम्बन्धलाई थप सुदृढ बनाउन तथा आपसी समन्वय बढाउन सकारात्मक योगदान पु¥याउने विश्वास व्यक्त गरिएको छ ।