विश्व कल्याण लेल दण्ड प्रणाम यात्रा सम्पन्न, आई काठमाण्डूमे सवा लाख पार्थिव शिवलिङ्ग पूजन कएलगेल

1 घन्टा पहिले प्रकाशित

Smrititimes

काठमाण्डू, अखार २७ गते ः विश्व कल्याणक कामना सँग भारतक बिहार राज्यस्थित कृष्णा काली भगवती मन्दिर, तेलडिहाक मनोज दण्डी बाबाद्वारा सम्पन्न कएल गेल ऐतिहासिक दण्ड प्रणाम यात्राक सम्मानमे आइ काठमाण्डूक थापाथलीस्थित श्रीराम मन्दिर प्राङ्गणमे सवा लाख पार्थिव शिवलिङ्ग पूजन कार्यक्रम सम्पन्न भेल ।
मनोज दण्डी बाबा ३ नवम्बर २०२५ केँ तेलडिहासँ जनकपुरधाम होइत काठमाण्डूस्थित बाबा पशुपतिनाथ धाम धरि दण्ड प्रणाम यात्रा करबाक संकल्प लऽ यात्रा प्रारम्भ केने छलाह । ओ चण्डिका स्थान, जयमंगला, श्यामामाई (दरभंगा), अहिल्या स्थान, उचैठ भगवती आ गिरिजा स्थानसहित विभिन्न धार्मिक स्थलसभ होइत ११६ दिनक दण्ड प्रणाम यात्राक बाद २६ फरवरी २०२६ केँ जनकपुरधाम पहुँचि पहिल चरणक यात्रा सफलतापूर्वक पूरा केलनि ।
तकर बाद २७ फरवरीसँ पुनः जनकपुरधामसँ यात्रा शुरू कऽ सिन्धुली, धुलीखेल लगायत पहाड़ी आ दुर्गम बाटसभ पार करैत करीब ६५० किलोमिटर दूरी ६ महीना २२ दिनमे तय कऽ काठमाण्डू पहुँचि बाबा पशुपतिनाथ, माता गुह्येश्वरी सहित अन्य देवी–देवताक दर्शन कऽ अपन दण्ड प्रणाम संकल्प सफलतापूर्वक पूरा केलनि।
एहि यात्राक क्रममे जनकपुरधामस्थित श्री मानस तथा बोलबम परिवारक सदस्यसभ अपन–अपन सामथ्र्यानुसार सहयोग आ सहभागिता जनौलनि । दण्ड प्रणाम यात्रा निर्विघ्न रूपसँ सम्पन्न भेलाक उपलक्ष्यमे श्री मानस तथा बोलबम परिवारक आयोजनामे थापाथलीस्थित श्रीराम मन्दिर प्राङ्गणमे सवा लाख पार्थिव शिवलिङ्ग पूजन सम्पन्न भेल । कार्यक्रममे उपस्थित श्रद्धालुसभ पुष्पाञ्जलि अर्पण कऽ प्रसाद ग्रहण केलनि। श्री मानस तथा बोलबम परिवारक अध्यक्ष ललन ठाकुरके अगुवाईमे भेला ओ लाखराम आयोजनाक सफलतामे मनोज दण्डी बाबा,जानकी मन्दिरक उत्तराधिकारी महन्थ रामरोशन दास वैष्णव, इटहर्वा स्थानका महन्थ परिवारका कोषाध्यक्ष हितेन्द्र कुमार लाभ,सदस्यसब रघुनाथ सुवेदी, माल्ती लाभ, कानुनी सल्लाहकार वरिष्ठ अधिवक्ता श्याम कुमार मिश्रा,सल्लाहकारसब सतिशचन्द्र चौधरी, इञ्जिनियर सुनिल कुमार झा, दिवाकर झा, निलाम्बर पाठक, सुरेश ठाकुर लगायतक महत्वपूर्ण भूमिका रहल ।