जनकपुरधाममा बि वाइ डि दोस्रो इन्टर स्कुल टी–२० क्रिकेट च्याम्पियन सीप २०८०: ज्ञानकुप र एरे ईन्टरनेशनल विजय

2 वर्ष पहिले प्रकाशित

Smrititimes

जनकपुरधाम,माघ २८ गते । जनकपुरधाममा दोस्रो इन्टर स्कुल टी–२० क्रिकेट प्रतियोगिता अन्तर्गत भएको आजको खेलमा ज्ञानकुप मा वि र एरे ईन्टरनेशनल स्कुल विजय भएका छन ।

आजको पहिलो खेल ज्ञानकुप मा.वि.र संकटमोचन मा.वि. बीच भएको थियो जसमा ज्ञानकुप मा.वि. ले टस जितेर सुरुवातमा संकटमोचन मा.वि. लाई ब्याटिङका लागि आमन्त्रण गरेका थिए । ज्ञानकुप मा.वि. खेलाडीहरु निर्धारित २० ओभरमा ९ विकेट गुमाएर १७७ रनको लक्ष्य प्रतिद्धन्धी टिम समक्ष प्रस्तुत गरेका थिए । यस टिमका लागि मोहम्मद जसमुद्दिन अन्सारी ले ४८ बलमा ८३ रन र एम डि सौकत अलि ले २१ बलमा ३० रनको योगदान दिएका थिए।

ज्ञानकुप मा.वि. लागि बलिङ गरेका शिवम झा ले चार ओभरमा २७ रन खर्चेर एक विकेट र अरविन्द राय ले चार ओभरमा २८ रन खर्चेर एक विकेट लिए ।

जवाफ ब्याटिङका लागि आएका ज्ञानकुप मा.वि. ले १६.४ ओभरमा सबै विकेट गुमाएर ११९ रन मात्र बनाउन सकेको थियो । यस टिमका लागि सुमित यादव ले १० बलमा २४ र अरविन्द राय ले १२ बलमा १४ रन बनाए । संकटमोचन मा.वि. का लागि बलिङ गरेका एम डि सौकत अलि ले चार ओभरमा १४ रन खर्चेर ५ विकेट र निखिल यादव ले चार ओभरमा १६ रन खर्चेर २ विकेट लिए । यस खेलको म्यान अफ दी म्याच संकटमोचन मा.वि. का जसमुद्दिन अन्सारी अलि घोषित भएका थिए । यस खेलको म्यान अफ द म्याचको उपाधी नगर प्रमुखको प्रत्याशी जानकि राम साह द्वारा हस्तान्तरण गरिएको थियो।

त्यस्तै आजको दोस्रो खेल एरे ईन्टरनेशनल स्कुल र ग्यालेक्सी पब्लिक स्कुल बीच भएको थियो जसमा एरे ईन्टरनेशनल स्कुल ले टस जितेर सुरुवातमा ब्याटिङका रोजेको थियो । एरे ईन्टरनेशनल स्कुल का खेलाडीहरु निर्धारित २० ओभरमा सबै विकेट गुमाएर १६३ रनको लक्ष्य प्रतिद्धन्धी टिम समक्ष प्रस्तुत गरेका थिए । यस टिमका लागि आकाश ठाकुर ले ४० बलमा ५४ र युवराज साहले ९ बलमा २२ रनको योगदान दिए ।

ग्यालेक्सी पब्लिक स्कुल का लागि बलिङ गरेका चन्दन साह ले चार ओभरमा ३६ रन खर्चेर तीन विकेट र युवराज सिंह ले चार ओभरमा २५ रन खर्चेर तीन विकेट लिए ।

जवाफ ब्याटिङका लागि आएका ग्यालेक्सी पब्लिक स्कुल ले १२.५ ओभरमा सबै विकेट गुमाएर ६५ रन मात्र बनाउन सकेको थियो । यस टिमका लागि रायन राईन ले १९ बलमा २० बनाए भने बाकी खेलाडीहरुले खासै रन बनाउन सकेन । यस खेलको म्यान अफ दी म्याच एरे ईन्टरनेशनल स्कुल का आकाश ठाकुर घोषित भएका थिए । एरे ईन्टरनेशनल स्कुल का लागि बलिङ गरेका आकाश ठाकुर ले चार ओभरमा २० रन खर्चेर ४ विकेट र आदर्श झा ले चार ओभरमा ११ रन खर्चेर २ विकेट लिए । यस खेलको म्यान अफ द म्याचको उपाधी मधेस प्रदेशको अर्थमन्त्री माननीय संजय कुमार यादव द्वारा हस्तान्तरण गरिएको थियो।

प्रतियोगितामा १६ वटा विद्यालयले भाग लिएका छन् । खेल आइसीसी मान्यता अनुसार टि २० को आधारमा भइरहेको छ भने यो प्रतियोगिता जनकपुर स्पोर्टस क्लव र न्यु भिजन नेपालको आयोजनामा प्रतियोगिता भईरहेको छ।