भ्ांगहाका शिक्षकलाई क्षमता अभिबृद्धि तालिम

2 वर्ष पहिले प्रकाशित

Smrititimes

जनकपुरधाम
भदौँ १५ गते ।
महोत्तरीको मंगहा नगरपालिकाका आधारभूत सामुदायिक विद्यालयका शिक्षकहरुलाई दृत सिकाईको लागि समुहगत रुपमा शिक्षण क्षमता अभिृबृद्धि तालिम प्रदान गरिएको छ । सो पालिका अन्तरगतक आधारभूत तहका शिक्षकहरुको क्षमता अभिबृद्धिका लागि पिपुल प्रमोट सेन्टरद्वारा संचालित सो तालिममा २७ जना शिक्षकहरुको सहभागिता रहेको थियो । यूनिसेफको आर्थिक सहयोगमा मधेश प्रदेशमा गुणस्तरीय शिक्षा ल्याउन विद्यालय शिक्षा क्षेत्र योजना र बजेट विकास गर्न स्थानीय सरकारको क्षमतालाई सुदृढ गर्न दृत सिकाईको लागि शिक्षकहरुको शिक्षण क्षमता अभिबृद्धि तालिम प्रदान गरिएको संस्थाका रियल प्रशिक्षक सचिन कुमार मंडलले जानकारी दिनुभयो । विभिन्न चरणमा सो पालिकाका आधारभूत तहका विभिन्न विषयका शिक्षकहरुलाई क्षमता अभिबृद्धि तालिम दिने क्रममा सहभागीहरुलाई प्रशिक्षक रीमा कर्ण तथा नवराज रामले प्रशिक्षण दिनुभएको छ । दुई दिने पशिक्षणको पहिलो दिन विभिन्न विषयगत समुह बनाई शिक्षण सिकाईका साथै सिकाई क्षतिको बारेमा जानकारी गराइएको छ । सहभागीहरुलाई बूँदागत रुपमा सिकाई क्षेत्रको परिचय, सिकाई क्षतिको अवस्था, सिकाई स्तरको पहिचान गरी विद्यार्थीहरुलाई सिकाई स्तरको अभिलेख कसरी राख्ने , नतिजा विश्लेषण लगायतका विषयमा प्रशिक्षण दिइएको आयोजकले जनाएको छ । विभिन्न चरणमा भंगहा नगरपालिकाका आधारभूत शिक्षकहरुलाई तालिम प्रदान गर्ने आयोजकले जनाएको छ ।