आत्महत्या रोक्न जनकपुरधामका तीन माविमा सचेतना कार्यक्रम सम्पन्न

2 वर्ष पहिले प्रकाशित

Smrititimes

जनकपुरधाम
भदौँ २५ गते ।
विश्व आत्महतया रोकथाम दिवसका अवसरमा सोमबार जनकपुरधाम उपमहानगरपालिकाको आयोजनामा यहाँका तिन वटा माविमा सचेतना कार्यक्रम सम्पन्न भएको छ । आत्महत्या रोकथामको बारेमा संवाद शुरु गरौँ,दृष्टिकोण बदलौँ मुल नाराका साथ १० सेप्टेम्बरका दिन जनकपुरधामको वडा नं. ७ स्थित रामजानकी मावि,वडा नं. १५ स्थित मावि कुवा रामपुर तथा वडा नं. २२ स्थित मावि बसबिट्टीमा सचेतना कार्यक्रम सम्पन्न भएको छ । तिन वटै विद्यालयमा विहान १० बजे विद्यार्थीहरुको प्रार्थनाको समयमा आत्महत्या रोकथाम सम्बन्धी विद्यार्थीहरुलाई जानकारी गराउनुका साथै कक्षा ८,९ र १० का विद्यार्थीहरुलाई अभिमुखिकरण गरिएको थियो ।

मावि कुवारामपुरमा नगरप्रमुख मनोज कुमार साहको प्रमुखको प्रमुख आतिथ्यमा मनोचिकित्सक डा. विकास शर्मा, मावि रामजानकीमा शिक्षा शाखा प्रमुख अञ्जु पाण्डेको प्रम्मुख आतिथ्यमा मनोचिकित्सक डा. दिव्याशुं झा तथा मावि बसबिट्टीमा उपप्रमुख किशोरी साहको प्रमुख आतिथ्यमा मानसिक रोग विशेषज्ञ डा. रोबिन झाले विद्यार्थीहरुलाई आत्महत्या रोक्न अभिमुखिकरण गर्नुभएको थियो । तिनै विद्यालयमा नेपाल प्रहरी, शान्तिपुर्नस्थापना गृह,टिपिओ नेपाल तथा ओसीएमसीका पदाधिकारीहरुले आत्महत्या रोकथामका विषयमा जानकारी गराउनु भएको थियो ।

जिबन अमुल्य छ , बाँचे धेरै काम गर्न सकिन्छ भन्ने आशा जगाउदै विद्यार्थीहरुलाई लहै लहैमा नलागी आत्मबलका साथ आडी बढ्न सहभागीहरुले प्रात्साहन गरेका थिए । विद्यालय स्तरीय सो सचेतना कार्यक्रममा सम्बन्धित वडाका.वडाध्यक्ष , वडा सदस्यहरु, माइती नेपाल,आफन्त नेपाल,ओरेक नेपाल ,नेपाल प्रहरी ,शिक्षक ,विद्यार्थी, कर्मचारी तथा स्थानीयबासीहरुको सहभागिता रहेको थियो । मोनाचिकित्सकहरुले आत्महत्या हुनुका कारणहरु, यसको रोकथाम तथा मानसिक स्वास्थ्यका विषयमा सहभागीहरुलाई जानकारी गराउनु भएको थियो । प्रदेश सरकारको समन्वयमा भएको सो सचेतना कार्यक्रममा अधिकारका क्षेत्रमा काम गर्ने विभिन्न संघसंस्थाहरुको सहभागीता रहेको थियो ।