नेपाल सद्भावना पार्टीको सातौँ महाधिवेशन जनकपुरधामा सम्पन्न अध्यक्षमा पुनः रामकुमार

2 वर्ष पहिले प्रकाशित

Smrititimes

जनकपुरधाम
मंसिर ४ गते ।
नेपाल सद्भावना पार्टीको जनकपुरधाममा सम्पन्न सातौँ राष्ट्रिय महाधिवेशनबाट केन्द्रिय अध्यक्षमा पुनः रामकुमार महतो निर्वाचित भएका छन् । मंसिर १,२ र ३ गते सम्पन्न भएको महाधिवेशनशबाट विभिन्न निर्णय सहित नयाँ कार्यसमिति चयन गरिएको छ ।

महाधिवेशन पछि मंगलबार सम्पन्न पत्रकार सम्मेलनमा बोल्दै अध्यक्ष महतोले महाधिवेशनबाट पार्टीको नीति तथा ऐजेण्डाको रुपमा नेपाललाई संघीय गणतान्त्रीक हिन्दु राष्ट्रको स्थापना, पुर्ण समानुपातिक निर्वाचन प्रणाली, स्थानीय तहमा दल बिहीन निर्वाचन प्रणाली, प्रदेशको संरचना हेरफेर गरी पहिचान सहितको अधिकार सम्पन्न स्वायत प्रदेश स्थापना, जनसंख्याको आधारमा राज्यको हरेक तहमा पुर्ण समानुपातिक समावेशिता,नागरिकताको समस्या समाधान लगायतका माग सहित उत्पिडीत जनताको हकमा अधिकारको लागि सडक संघर्ष गर्ने निर्णय गरिएको छ ।

उक्त संघर्षमा पार्टीको सिद्धान्त मिल्ने दलहरु संग एकता, सहकार्य तथा मोर्चामा एक जुट हुन अह्वान गर्ने निर्णय गरियो । महाधिवेशनबाट पार्टीको नियमावली, घोषणापत्र र निर्देशिकाहरु निर्माण गरी लागु गर्न नव गठित केन्द्रिय कार्यकारिणी समितिलाई अख्तियारी प्रदन गर्ने निर्णय गरिएको उहाँले जानकारी दिनुभयो ।

महाधिवेशनबाट ११ सदस्यीय निर्वाचित पदाधिकारी, १९ सदस्यीय निर्वाचित कार्यकारिणी सदस्य,२५ जना केन्द्रिय सदस्य ६ जना मनोनित कार्यकारिणी सदस्य तथा ६ जना मनोनित पदाधिकारी रहेका छन् । पार्टीका नेपाल सद्भावना परिषदका अध्यक्षमा नवनिर्वाचित वरिष्ठ नेता सरिता गिरीलाई चयन गरिएको जारी विज्ञप्तीमा उल्लेख गरिएको छ ।