सपोर्ट नेपालले वालवालिकाको अधिकार र पोषणका लागि गरे जनचेतनामुलक कार्यक्रम

2 वर्ष पहिले प्रकाशित

Smrititimes

जनकपुरधाम
मंसिर ७ गते ।

वालवालिकाहरुको अधिकार तथा पोषणका लागि सपोर्ट नेपालको आयोजनामा शुक्रबार धनुषा जिल्लाको दुई पालिका विभिन्न कार्यक्रमहरु सम्पन्न भएको छ । प्लान इन्टरनेशन नेपालको साझेदारीमा सपोर्ट नेपालको आयोजनामा संचालित सशक्त बालिका परियोजना अन्तरगत शहीदनगर नगरपालिका ४ नुनपट्टीमा सामाजिक दायित्व , वालविवाहबाट हुने असरहरु तथा यसको समाधानका लागि अभिभावकहरुको उपस्थितीमा छलफल सम्पन्न गरेको छ ।

परियोजना अन्तरतग अभिभावक शिक्षा कार्यक्रमको क्रममा बालबालिकाहरुको पोषणका लागि घरमै पाइने खाद्य पदार्थबाट पोष्टिक खाना बनाउन सिकाई वालवालिकाहरुलाई खुवाइएको सपोर्ट नेपालका फिल्ड सुपरभाइजर पप्पु कुमार मिश्रले जानकारी दिनुभयो । गर्भ देखि ८ वर्ष सम्मको वालवालिकाहरुलाई पोषणका लागि पोषणयुक्त खाना बनाउन सो नगरपालिकाका वडा नं. ९ गोठकोयलपुर, कमला नगरपालिका वडा नं. एक र २ मा भएको उहाँले जानकारी दिनुभयो ।

गोठकोयलपुरमा भएको कार्यक्रममा फिल्ड सुपरभाइजर इसा राउत, किरण साह, कमला नगरपालिका एकमा आशिष सिँह दनुवार, रोजी सिँह तथा वडा नं. २ मा बेचन कुमार सिँहले सहभागी अभिभावक महिला तथा वालवालिकाहरु बिच पोषण युक्त खाना बनाउन सिकाई वालवालिकाहरुलाई कार्यक्रम स्थलमै खुवाउनु भएको थियो । वालवालिकाहरुको शारीरिक र मानसिक विकास लगायतका अन्य सम्पुर्ण विकासका लागि अभिभावकहरुमा सचेतनाको लागि उक्त परियोजना संचालनमा रहेको संस्थाका अनुगमन मुलयांकन अधिकृत अनिल कुमार साहले जानकारी दिनुभयो ।