अन्तर विद्यालय क्रिकेट प्रतियोगिताक उपाधि मदर टेरेसाकेँ

5 महीना पहिले प्रकाशित

Smrititimes

जनकपुरधाम
माघ ३ गते ।

पाँचम अन्तर विद्यालय टी–२० क्रिकेट प्रतियोगिताक उपाधि मदर टेरेसा पब्लिक स्कुल जितलक अछि। जनकपुरधामक बाह्र विघा मैदानमे भेल फाइनल खेलमे सिद्धार्थ शिशु सदनकेँ १६ रनसँ हराकए मदरटेरेसा उपाधि अपने नाम कएलक। मदर टेरेसा ई उपाधि दोसर बेर जितलक अछि।

टस जितिकए ब्याटिङ चुनने मदर ट्रेसा निर्धारित २० ओभरमे सभ विकेट गुमाकए ८८ रन बनौलक। ट्रेसाक लेल सुरज यादव २५ बलमे १६ रन आ धर्मराज यादव १६ बलमे २६ रन बनौने छलाह।

८८ रनक लक्ष्य पछुआ करैत सिद्धार्थ शिशु सदन ७१ रनमे अलआउट भऽ गेल। सिद्धार्थक लेल आयुष यादव १६ बलमे ३० रन आ सलमान नदाफ १० बलमे १५ रन बनौने छलाह।

मदर टेरेसााक ओरसँ बलिङ करैत रिसन झाले चार ओभरमे ७ रन खर्च कए दू विकेट लेलनि आ आर्दश यादव चार ओभरमे ११ रन दैत दू विकेट लेलनि। सिद्धार्थक ओरसँ आयुष यादव चार ओभरमे ११ रन दैत चार विकेट आ राहुल यादव चार ओभरमे २० रन दैत एक विकेट लेलनि।

ई खेलक म्यान अफ द म्याच मदरटेरेसाक सुरज यादव घोषित भेलाह। प्रतियोगितामे वेष्ट बलर÷फिल्डर आ म्यान अफ द सिरिज सिद्धार्थक आयुष यादव भेलाह। वेष्ट ब्याटर संकटमोचन स्कुलक निखिल मण्डल, इमर्जिङ प्लेयर न्यू आइडल स्कुलक अभियान्सु सिंह, वेष्ट किपर मदर ट्रेसाक विकास विराज आ फेयर प्ले अवार्ड न्यू आइडल स्कुलकेँ भेटल।

जनकपुर स्पोट्र्स क्लब आ न्यू भिजन नेपाल लगातार पाँच वर्षसँ स्थानीय स्तरमे क्रिकेट खेलाड़ी उत्पादन लेल अन्तर विद्यालय क्रिकेट प्रतियोगिता आयोजित करैत आबि रहल अछि। विजेता टिमकेँ जनकपुरधामक मेयर मनोज कुमार साह शिल्ड आ प्रमाणपत्र प्रदान कएलनि।