जनकपुरधामका निजी विद्यालय र क्याम्पसमा दुई दिन बिदा

1 महीना पहिले प्रकाशित

Smrititimes

जनकपुरधाम, २१ भदौ । जनकपुरधाम उपमहानगरपालिका–१ स्थित मिसन सेकेन्ड्री स्कुलका सञ्चालक विक्रम मण्डलको असामयिक निधनप्रति शोक व्यक्त गर्दै धनुषाका निजी विद्यालय तथा क्याम्पसमा दुई दिन बिदा हुने भएको छ ।
हिसान धनुषाका अध्यक्ष सञ्जिव कुमार ठाकुरले जारी गरेको सूचनाअनुसार स्वर्गीय मण्डलको निधनप्रति श्रद्धाञ्जली तथा शोकसन्तप्त परिवारजनप्रति समवेदना व्यक्त गर्दै निजी विद्यालयका छाता संगठनहरूको निर्णयबमोजिम २०८३ भदौ २२ गते सोमबार धनुषाका विद्यालय तथा क्याम्पसमा एक दिन शोक बिदा दिइने भएको हो । सोही निर्णयअनुसार हिसानमा आबद्ध सम्पूर्ण विद्यालय तथा क्याम्पसहरूमा पनि उक्त दिन पठनपाठन बन्द रहने जनाइएको छ ।

यसैगरी, नेपाल सरकारको निर्णयअनुसार २०८३ भदौ २३ गते जेनजी सहिद दिवसका अवसरमा सार्वजनिक बिदा रहेकाले लगातार दुई दिन शैक्षिक संस्था बन्द रहने भएका छन् । हिसान धनुषाले भदौ २४ गते बुधबारदेखि विद्यालय तथा क्याम्पसमा नियमित रूपमा पठनपाठन सञ्चालन हुने जानकारी दिएको छ । हिसान धनुषाले स्वर्गीय विक्रम मण्डलप्रति हार्दिक श्रद्धाञ्जली अर्पण गर्दै शोकसन्तप्त परिवारजनलाई धैर्य धारण गर्ने शक्ति प्राप्त होस् भनी माता जानकीसँग प्रार्थना गरेको छ । साथै, बिदासम्बन्धी निर्णयबारे सम्बन्धित विद्यार्थी, अभिभावक, शिक्षक तथा कर्मचारीलाई जानकारी गराइएको छ ।