नेकपा एमाले तामाकोशी गाउँपालिका वडा नम्वर ४ मालूको अध्यक्षमा राजन पोखरेल

5 वर्ष पहिले प्रकाशित

Smrititimes

दिपक बस्नेत
कात्तिक १३, तामाकोशी ।
नेकपा एमाले तामाकोशी गाउँपालिका वडा नम्वर ४ मालूको अध्यक्षमा राजन पोखरेल सर्वसम्मत चयन हुनु भएको छ । आज भएको प्रथम वडा अधिवेसनबाट पोखरेल अध्यक्षमा चयन हुनुभएको हो ।

कमिटीको उपाध्यक्षमा सुवास महत, सचिव कुमार श्रेष्ठ, उपसचिव गीता पोखरेल र इन्द्र बहादुर लकाई रहनु भएको छ । अधिवेसनबाट ३१ सदस्यीय वडा कमिटी गठन गरेको हो ।
कार्यक्रमका प्रमुख अतिथि नेकपा एमाले बागमती प्रदेश सदस्य तथा जिल्ला कमिटी दोलखाका उपाध्यक्ष नर बहादुर श्रेष्ठले व्यानर खोलेर र पानसमा बत्तिबालेर उद्घाटन गर्नु भएको थियो । श्रेष्ठले उद्घाटन गर्नुभएको कार्यक्रममा युवासँग वडा कमिटी, युथ फोर्स, नेपाल राष्ट्रिय शिक्षक संगठन वडा कमिटी, अखिल नेपाल महिला संघ वडा कमिटी, अखिल नेपाल किसान संघ वडा कमिटी लगाएतका भात्री संगठन गठन गरेको छ । नव निर्वाचित कमिटीलाई कार्यक्रमका प्रमुख अतिथि नर बहादुर श्रेष्ठले सपथ खुवानु भएको थियो ।
कार्यक्रममा नेकपा एमाले जिल्ला कमिटी सदस्य मेखराज पोखरेल, संजिव खड्का, कुवेर प्रसाद पोखरेल, नेकपा एमाले तामाकोशी गाउँपालिकाका अध्यक्ष नरायण ध्वज खड्का, सचिव होम बहादुर श्रेष्ठ, लगाएतले शुभकामना मन्तव्य व्यक्त गर्नुभएको थियो ।