एसडिआरसीको सुरक्षा र संरक्षण सम्बन्धी गोष्ठी सम्पन्न

1 वर्ष पहिले प्रकाशित

Smrititimes

जनकपुरधाम ।
भदौँ १० गते ।
धनुषा जिल्लाको विदेह नगरपालिका ३ कर्माहीमा महिला तथा किशोरीहरुको सुरक्षा र संरक्षण(सेफगार्डिङ) सम्बन्धी एक दिने गोष्ठी सोमबार सम्पन्न भएको छ । प्लान इन्टरनेशनल नेपालको सहयोग, विदेह नगरपालिकाको समन्वय तथा सामाजिक विकास र अनुसन्धान केन्द्रको आयोजनामा भएको सो गोष्ठीमा सहभागी महिला तथा किशोरीहरुको सुरक्षा र संरक्षण सम्बन्धमा जानकारी गराइएको थियो । सशक्त बालिका परियोजना (गल्र्स स्टेन्डिङ स्ट्रोङ प्रोजेक्ट) अन्तरगत हिँसा र दुव्र्यवहारबाट सुरक्षा र संरक्षण मेरो जिम्मेबारी स्लोगनका साथ संचालित उक्त गोष्ठीमा सहभागीहरुलाई फिल्ड सुपरभाइजरद्वय दिब्या झा तथा जिवछ दासले विभिन्न विषयमा प्रशिक्षण दिनुभएको थियो ।

उहाँहरुले सहभागी महिला तथा किशोरीहरुलाई प्लान इन्टरनेसन नेपाल तथा सामाजिक विकास अनुसन्धान केन्द्रको महिला बालबालिका तथा किशोरीहरु प्रतिको धारणाका विषयमा जानकारी गराउनु भएको थियो । उहाँहरुले सहभागी सुरक्षा र संरक्षण पाउनु अधिकार हो भन्दै बाल श्रम, महिलाहरु माथि हुने आर्थिक हिँसा,शारीरिक हिँसा,यौन हिँसा, लैँगिक हिँसा तथा बालविवाहबाट हुने असरहरुका बारेमा जानकारी गराउनु भएको थियो । समाजमा बालबालिका, किशोरी तथा महिलाहरु माथि हुने हिँसालाई पहिचान गरी न्यसको न्युनीकरणका लागि आवाज उठाउने गोष्ठीमा सहभागी किशोरी सोनी कुमारी रायले बताईन । उक्र परियोजना अन्तरगत महिला तथा बालबालिकाहरुको सर्वाङिगत विकासका लागि संस्थाले विभिन्न किसिमका कार्यक्रमहरु संचालन गरेका छन् । सशक्त बालिका परियोजना धनुषा जिल्लाको बिदेह नगरपालिकाको वडा नं. ३,५,७ र ९ तथा जनकनन्दिनी गाउँपालिकाको वडा नं. ३,४र ६ मा संचालित छन् ।