राजर्षिजनक स्कुल अफ हेल्थ साइन्सेजको प्रगति समीक्षा तथा आगामी कार्ययोजना बैठक सम्पन्न

1 महीना पहिले प्रकाशित

Smrititimes

जनकपुरधाम
भदौ २५ गते । राजर्षिजनक स्कुल अफ हेल्थ साइन्सेज, जनकपुरधामको प्रगति समीक्षा तथा आगामी रणनीति र कार्ययोजनासम्बन्धी बैठक सम्पन्न भएको छ।

बैठकमा स्कुलले हालसम्म सञ्चालन गरेका विभिन्न गतिविधि तथा हासिल गरेका उपलब्धिहरूको समीक्षा गरिएको थियो। साथै शैक्षिक गुणस्तर अभिवृद्धि, संस्थागत विकास, प्रभावकारी व्यवस्थापन तथा आगामी दिनमा सञ्चालन गरिने कार्यक्रमलाई थप व्यवस्थित, प्रभावकारी र परिणाममुखी बनाउने विषयमा महत्वपूर्ण छलफल भएको थियो। बैठकमा आगामी कार्ययोजनालाई स्पष्ट प्राथमिकताका साथ अघि बढाउँदै संस्थाको शैक्षिक तथा प्रशासनिक पक्षलाई थप सुदृढ बनाउने विषयमा समेत जोड दिइएको थियो। उक्त बैठकले राजर्षिजनक स्कुल अफ हेल्थ साइन्सेजको समग्र विकास, शैक्षिक उत्कृष्टता र संस्थागत प्रभावकारिता अभिवृद्धिका लागि आगामी दिनमा आवश्यक रणनीति तथा कार्ययोजना कार्यान्वयन गर्ने दिशामा महत्वपूर्ण आधार तय गरेको जनाइएको छ। उपकुलपति प्रा.डा. श्याम नारायण लाभको अध्यक्षतामा सम्पन्न बैठकमा रजिस्ट्रार डा. जीवन काफ्ले, विज्ञान, प्रविधि तथा इन्जिनियरिङ संकायका डीन प्रा.डा. विद्य‍ासागर वर्मा, सम्बन्धित संकायका निर्देशक डा. वीरेन्द्र कुमार झा तथा कर्मचारीहरूको उपस्थिति रहेको थियो।