सामुदायिक परिवार कल्याण संघको २५ औँ साधारण सभा सम्पन्न

2 वर्ष पहिले प्रकाशित

Smrititimes

जनकपुरधाम
असोज १४ गते । ग्रामिण क्षेत्रमा शिक्षा , स्वास्थ्य, वाल संरक्षण लगायतका जनचेतनामुलक कार्यक्रम संचालन गर्दै आएका सामुदायिक परिवार कल्याण संघले सोमबार नगराईन नगरपालिका ७ देवडिहामा सम्पन्न गरेको छ । संस्थाका अध्यक्ष महेन्द्र यादवको अध्यक्षतामा नगराईन नगरपालिकाका मेयर विनय यादवको प्रमुख आतिथ्यमा सम्पन्न भएको सो २५ औँ साधारण सभामा संघका सचिव राम प्रसाद मंडलले आर्थिक वर्ष २०८०–८१ को वार्षिक प्रगती विवरण प्रस्तुत गर्नुभएको थियो ।

स्वास्थ्य शिक्षित तथा सम्पन्न समाजको श्रृजना सामुदायिक परिवार कल्याण संघको परिकल्पना मुल नाराका साथ अघि बढिरहेको संघले गत आर्थिक वर्षमा संचालन गरेको कार्यक्रमहरुका बारेमा सचिव मंडलले जानकारी गराउनु भयो । प्लानइन्टर नेसनल नेपालको सहयोगमा जिल्लाको विदेह, कमला, शसहदनगर, सबैला नगरपालिका तथा जनकनन्दिनी गाउँपालिकामा संचालित स्पोन्सरशिप कम्युनिकेशन कार्यक्रम तथा बिदेह, शहिदनगर नगरपालिका र जनकनन्दिनी गाउँपालिकामा संचालित सशक्त वालिका परियोजनाको बारेमा सहभागी संस्थाका पदािधकारी तथा अन्य अतिथीहरुलाई जानकारी गरउनु भयो ।

यसका साथै संघले बैदेशिक रोजगारीमा जान सक्ने सम्भावित कामदारहरुका लागि नगराईन नगरपालिकाको सहयोगमा संचालन गरेको अभिमुखिकरण तथा जनकपुरधाम उपमहानगरपालिका ४ र विदेह नगरपालिकामा सुस्त श्रवण संघको सहयोगमा संचालित श्रवण यन्त्र वितरण कार्यक्रमका बारेमा समेत जानकारी गराउनु भएको थियो । चालु आर्थिक वर्षमा कामदारहरुका लागि अभिमुखिकरण कार्यक्रम बाहेकका तीन वटै कार्यक्रम संचालनमै रहेको संघका कार्यकारी निर्देशक लक्ष्मेश्वर मंडलले जानकारी दिनुभयो । सचिवको प्रतिवेदनमा संस्थामा कार्यरत जनशक्ति, स्थायी सम्पत्ति तथा संस्थाको काम गर्ने क्रममा भईरहेको चुनौती र सम्भावनाहरुका बारेमा जानकारी गराउनु भएको थियो ।

साधारण सभामा संघका कोषाध्यक्ष सुभाष चन्द्र झाले गत आर्थिक वर्षमा संचालित कार्यक्रम र बजेट खर्चका विषयमा जानकारी गराउनु भयो । उहाँका अनुसार सशक्त वालिका परियोजना र स्पोन्सशिपको संयु्क्त आम्दनी ८३ लाख ९८ हजार ५ सय ९३, सशक्त वालिका परियोजनाबाट १६ लाख ७४ हजार एक सय २५ , स्पोन्सरशिप परियोजनाबाट ३७ लाख ५८ हजार ४ सय १९,हेयरिङ क्याम्पबाट २४ हजार ४ सय ,नगराईन नगरपालिकाबाट द्ध लाख ७२ हजार ६ सय ३७ लगायतका कुल आम्दनी एक करोड ४७ लाख ६९ हजार ८ सय ३८ रुपैया रहेको छ । त्यस्तै खर्च तर्फ सशक्त वालिका परियोजना र स्पोन्सशिपको संयु्क्तमा ८३ लाख ६३ हजार ७ सय १०, सशक्त वालिका परियोजनामा १६ लाख ६४ हजार ५ सय ६० स्पोन्सरशिप परियोजनामा ३७ लाख ९ हजार ८ सय २५बैदेशिक रोजगार सम्बन्धि तालिममा ३लाख ८४ हजार ३ सय लगायतका विभिन्न खर्च गरी कुल एक करोड ४७ लाख ६९ हजार ८ सय ३८ रुपैयाँ खर्च भएको आर्थिक प्रतिवेदनमा उल्लेख गरिएको छ ।

उक्त साधारण सभामा नगराईन नगरपालिकाका पुर्व मेयर परमेश्वर साह लगायतका संस्थाका पुर्व पदाधिकारीहरुले मन्तव्य राख्दै संस्थाको प्रगतिको कामना गर्नुभएको थियो । साधारण सभामा संघको पुर्व तथा वर्तमान पदाधिकारी, सुरक्षा निकार्यका प्रमुख, विद्यालयका प्रधानाध्यापक लगायतका समाजका अन्य व्यक्तित्वहरुको सहभागिता रहेको थियो । जिल्लाको ग्रामिण क्षेत्र देवडिहा गाउँ विकास समितिमा २५ वर्ष पहिला स्थापना भएको संघले सामाजिक सचेतनाका लागि विभिन्न प्रकारका सचेतनामुलक कार्यक्रमहरु ग्र्दै आएका छन् ।