गोठकोयलपुरका महिलालाई सपोर्ट नेपालले खेलौना बनाउन सिकाउदै

5 महीना पहिले प्रकाशित

Smrititimes

जनकपुरधाम
मंसिर ३ गते ।
बालबालिकाहरुलाई सानै देखि बौद्धिक क्षमताको विकासका लागि आफ्नै घरमा बनाउने खेलौनाबाट खेल्न प्रोत्साहन गर्न धनुषाको शहीदनगर नगरपालिका ९ गोठकोयलपुरका महिलाहरुलाई सपोर्ट नेपालले खेलौना बनाउन सिकाएको छ । प्लान इन्टरनेशन नेपालको साझेदारीमा सपोर्ट नेपालको आयोजनामा संचालित बालिका सशक्तिकरण परियोजना अन्तरगत अभिभावक शिक्षा समुहका महिलाहरुलाई नयाँ कपडा ल्याएर खेलौना बनाउन सिकाइएका हुन ।

सपोर्ट नेपालका फिल्ड सुपरभाइजर ईसा राउतले समुदायमा रहेका महिलाहरुलाई आफ्नो संतानहरुको सानै देखि सर्वाङगिक विकासको लागि घरमा रहेको सफा कपडाबाट बालबालिकाहरुका लागि स्थानीय खेल सामग्री जस्तै गुडिया तथा कपडाकै बल बनाउन सिकाएको बताउनु भयो । यसले पैसाको बचन हुनुका साथै सानै देखि बालबालिकाहरुमा रचनात्मक गुणको विकास हुने भएकाले घरदैलोमा गएर समुहगत रुपमा खेलौना बनाउन सिकाएको बताउनु भयो ।

विभिन्न रंगको कपडाबाट बल बनाउन सिकाए पछि यसबाट बालबालिकाहरुको विभिन्न रंगको बारेमा समेत जानकारी हुने छ । आफुले सिकेका सिपबाट घरमै खेलौना बनाउन प्रेरित गरिएको उहाँले बताउनु भयो । तालिममा सहभागी रिना मुखियाले अभिभावक शिक्षा समुहमा सहभागी भएर बालबालिकाहरुको लागि खेलौना बनाउनुका साथै पोसिलो खाना बनाउन समेत सिकेको बताउनु भयो । उक्त समुहका महिलाहरुलाई आफ्नै करेसाबारी तथा नजिकै पाइने तरकारी तथा अनाजबाट पोसिलो खाना बनाई बालबालिकाहरुलाई खुवान समेत तालिम दिएको छ । सहभागी महिलाहरुलाई फिल्ड सुपरभाइजर ईसा राउत तथा रोजी सिँहले कपडाको खेलौना बनाउन सिकाउनु् भएको छ ।