श्रीराम मेमोरियल स्कुलमा पुरस्कार वितरण समारोह समपन्न

8 महीना पहिले प्रकाशित

Smrititimes

जनकपुरधाम
१२ गते पुस ।
जनकपुरधामको पुल चोकमा रहेको श्रीराम मेमोरियल ई.बो.स्कुलमा भएको विभिन्न प्रकारका अतिरिक्त क्रियाकलापका विजेताहरुलाई शुक्रबार एक कार्यक्रमका बिच पुरस्कृत गरिएको छ । सो विद्यालयको वार्षिक क्लेण्डर अनुसार भएको अतिरिक्त खेलकुदका क्रममा विजेता भएका छात्र तथा छात्राहरुलाई अगल अलग समुहगत रुपमा म्याडेल तथा प्रशंसापत्र सहित पुरस्कृत गरिएको छ ।

सो विद्यालयका संचालक पुनम कुमारी महथाको अध्यक्षतामा भएको कार्यक्रममा बोल्दै प्रमुख अतिथि जनकपुरधाम उपमहानगरपालिकाका वडा नं. १९ का वडाध्यक्ष विनोद कुमार साहले विद्यालयमा यस्ता अतिरिक्त क्रियाकलापले विद्यार्थीहरुको बोधिक क्षमताको विकास हुने भएकाले आफुले वडाको तर्फबाट समेत अगामी िदनमा खेलकुदका लागि विद्यालयलाई सामग्री दिने प्रतिबद्धता जाहेर गर्नुभयो । सो कार्यक्रममा बोल्दै विशिष्ठ अतिथि एन प्यावसनका पुर्व अध्यक्ष तथा वर्तमान सल्लाहकार अवधेश तिवारीले यस्ता क्रियाकलापले विद्यार्थीहरुको शैक्षिक गुणस्तरियतामा बृद्धि आउनुका साथै उनिहरुको हौसाल बढ्ने बताउनु भयो ।

विद्यार्थीहरुलाई मोवाइलको लतबाट टाढा राख्न कार्यक्रममा सहभागी अभिभावकहरुलाई उहाँले आग्रह समेत गर्नुभएको थियो । कार्यक्रममा मन्तव्य राख्दै स्कुलका प्रिस्पपल डि.के. चौधरीले यसरी अभिभावकहरुको उपस्थितीमा विद्यार्थीहरुलाई पुरस्कृत गर्न पाउदा आफुलाई धेरै खुशीलागको बताउदै घरमा समेत अभिभावकहरुले आफ्नो सन्तानको पढाई तथा अतिरिक्त क्रियाकलापको लागि ध्यान दिनुपर्ने बताउनु भयो । सो कार्यक्रममा नेपाल पत्रकार महासंघ धनुषा शाखाका सचिव बटुकनाथ झा, लोसपाका युवा नेता किसन साह लागयतकाले मन्तव्य राख्नु भएको थियो ।