गोठकोयलपुरका महिलाहरु सशक्त हुदै

9 महीना पहिले प्रकाशित

Smrititimes

जनकपुरधाम
असार ३ गते ।
नवजात शिशु देखि वालवालिकाहरुको पोषण लगायत उनिहरुको सर्वाङगिक विकासका लागि शहिदनगरनगरपालिका वडा नं. ९ गोठकोयलपुरका महिलाहरु जागरुक भएका छन् । आफ्ना सन्तानहरुको पालनपोषणका लागि समुहगत रुपमा जानकारी लिई त्यसलाई व्यवहारमा पालन गरेकाले त्यहाँका दलित समुदयका बालबालिकाहरुमा पनि यसको साकारात्मक प्रभाव परेको छ । प्लान इन्टरनेसनल नेपालको आर्थिक तथा प्राविधिक सहयोगमा सपोर्ट नेपालद्वारा संचालित सशक्त बालिका परियोजना अन्तरगत लक्षमिनियाँ अभिभावक समुहका महिलाहरुमा साकारात्मक परिवर्तन भएको छ । उक्त समुहका सदस्य निलम कुमारी महराले यो समुहमा आवद्ध नभएको बेला आफुले पाएको पहिलो सन्तानलाई जेनतेन पालन पोषण गरेपनि समुहका आबद्ध भएपछि धेरे कुराको जानकारी पाएको बताउनु भयो । उहाँले भन्नभयो,’ पहिला बाबुलाई घरमा उपलब्ध जे खानेकुरा पनि खुउाउथे तर अहिले, ६ महिना पछिका बालबालिकालाई खीर, खीचÞड़ी,फलफुल लगायतका पोषण युक्त खाना खुवाउछु ।

यसले उनिहरुको स्वास्थ्य राम्रो भएको छ ।’ दुध खुवाउने तरिका पनि पछि थाहा भएको उहाँ बताउनु हुन्छ । ति समुहमा आबद्ध अर्का महिला रेखा महराले पेटमा संतान रहेको बेला नै समुहमा आबद्ध भई जानकारी पाएर सरसफाई, पोषणयुक्त खाना दिनुका साथै खेलका लागि घरमा पाइने पुरानो कपडाहरुबाट बनाएको खेलौना नै दिने गरेको बताउनु भयो । बालबालिकाको २ वर्षमा नै ८० प्रतिशत सम्म दिमागका विकास हुने भएकाले ती समयमा पोषण, सरसफाईका साथै घरमा कलह नगरी शान्त वातवारण बनाएपछि यसको साकारात्मक प्रभाव सन्तानमा पर्ने थाहा पाएको बताउनु भयो । ती समुहमा आबद्ध अर्का महिला फुलकुमारी महराले समुहमा आवद्ध भएपछि बुहारी गर्भबती भएदेखि उनको स्वास्थ्य, पोषणमा बिशेष ध्यान दिनुपर्ने सिकेको बताउनु भयो । साथै नियमित रुपमा गर्भवती महिलाको जाँच समेत गराई गर्भमा रहेको शिशुको बारेमा जानकारी पाउनुपर्ने जानकारी पाएको बताउनु भयो ।
समुहमा सभागी भई आफुले सिकेका जानकारीले समाजमा रहेको अन्य महिलाहरुलाई समेत जानकारी गराई गर्भावस्था देखि नै पोषण, सरसफाई लगायतका विषयमा ध्यान दिने बताउनु भयो । शिशुको जन्म देखि हुने गरेको विकासहरुको बारेमा समेत सहभागीहरुलाई जानकारी दिइएको सपोर्ट नेपालका फिल्ड सुपरभाइजर ईसा राउत तथा रोजी सिँहले जानकारी दिनुभयो ।