पर्व लक्षित काम गर्न नगराईनका मेयर तथा वडाध्यक्षलाई ज्ञापनपत्र बुझाइयो

1 घन्टा पहिले प्रकाशित

Smrititimes

जनकपुरधाम
असोज १५ गते । नेपालीहरूको महान् पर्व दसैँ, दीपावली तथा छठ पर्व नजिकिँदै गर्दा नगर क्षेत्रको सरसफाइ, सडक व्यवस्थापन तथा आवश्यक पूर्वाधार सुधारका लागि सम्बन्धित निकायको ध्यानाकर्षण गराइएको छ ।
राष्ट्रिय स्वतन्त्र पार्टी, नगराईन नगरपालिका वडा नं. ७ का सभापति रामचन्द्र शर्माले नगर प्रमुख विनय यादव तथा वडा नं. ७ का वडाध्यक्ष सूर्यनारायण साहसमक्ष विभिन्न मागसहित ज्ञापनपत्र बुझाउनुभएको हो ।
ज्ञापनपत्रमा पर्वका समयमा नगर क्षेत्रलाई स्वच्छ, सुरक्षित तथा व्यवस्थित बनाउन सडक तथा बाटोघाटोमा रहेका अतिक्रमण र अवरोध हटाउन, डोजर प्रयोग गरी सडक तथा सार्वजनिक स्थलको सरसफाइ गर्न र सडकका पोलहरूमा आवश्यक बत्ती जडान गर्न माग गरिएको छ ।
त्यस्तै, मुख्य सडक तथा चोक–बजार क्षेत्रमा डस्टबिनको व्यवस्था गर्न, चाडपर्वका समयमा नगर क्षेत्रलाई थप सफा र व्यवस्थित बनाउन तथा नागरिकलाई सहज आवतजावतको वातावरण निर्माण गर्न पनि ज्ञापनपत्रमार्फत सम्बन्धित निकायको ध्यानाकर्षण गराइएको छ । ज्ञापनपत्र बुझाउँदै शर्माले चाडपर्व उत्सव मनाउने अवसर मात्र नभई स्वच्छ, सुरक्षित र व्यवस्थित समाज निर्माण गर्ने अवसरसमेत भएकाले स्थानीय तहले सरसफाइ, सडक व्यवस्थापन तथा सार्वजनिक पूर्वाधारमा विशेष ध्यान दिनुपर्ने बताउनुभएको छ ।
जनताका समस्या र आवश्यकतालाई सम्बन्धित निकायसम्म पु¥याउँदै समाधानका लागि निरन्तर आवाज उठाउने अभियान जारी रहने शर्माले उल्लेख गर्नुभएको छ।