बफै र खजुरीमा स्तनपान दिवस मनाइयो

1 वर्ष पहिले प्रकाशित

Smrititimes

जनकपुरधाम
साउन २१ गते ।
विश्व स्तनपान सप्ताह चलिरहदा धनुषा जिल्लाको दुई स्थानमा बुधबार स्तनपान सम्बनधमा जनचेतनामुलक कार्यक्रम सम्पन्न भएको छ । प्लान इनटरनेसनलको आर्थिक सहयोग तथा सामाजिक विकास र अनुसन्धान केन्द्रको आयोजनामा संचालित सशक्त वालिका परियोजना अन्तरगत विदेह नगरपालिका ८ बफे स्वास्थ्य चौकीमा महिला तथा स्वास्थयकर्मीहरुको उपस्थितीमा पुर्ण स्तनपान सम्बनधमा जानकारी गराइएको छ ।

बफै स्वास्थ्य चौकीका प्रमुख बसन्त ठाकुरको अध्यक्षतामा भएको सो सचेतनामुलक कार्यक्रममा बोल्दै प्रमुख अतिथी विदेह नगरपालिकाका प्रमुख प्रशासकीय अधिकृत मनोहर यादवले बलाबालिकालाई सही समय र सही अवस्थामा पुर्ण स्तनपान गराउनु पर्ने बताउदै नवजात शिशुलाई ६ महिना सम्म आमाको दुध मात्र खुवाउनु पर्ने बताउनु भयो । उहाँले सुत्केरी अवस्थामा आमाको स्वास्थ्य संग नै नवजात शिशुको स्वास्थ्य जोडिएको हुनाले यस्तो बेलामा पहिलाको तुलनामा बढी पोषिलो खानेकुरा सुत्केरीलाई खुवाउनु पर्ने बताउनु भयो । सो कार्यक्रममा बोल्दै प्लान इन्टरनेशनलका प्रतिनिधि दिपक राजवंशीले स्तनपानलाई पुर्ण रुपमा सफल बनाउन घर परिवारका सम्पुर्ण सदस्यहरुले भुमिका महत्वपुर्ण भएकाले आफुले सिकेका कुरा व्यवहारमा लागु गर्न सहभागीहरुलाई आग्रह गर्नुभयो ।

कार्यक्रमको अध्यक्षता गर्नुभएका बफै स्वास्थ्य चौकीका प्रमुख बसन्त ठाकुरले बालबालिकाहरुका लागि सर्वोत्तम आहार र समपुर्ण तत्वपाउने आमाको दुध नै रहेकाले पुर्ण स्तनपानले बालबालिकाको स्वास्थ्यमा साकारात्मक प्रभाव पर्ने बताउनु भयो । सो कार्यक्रममा महिला स्वस्थ्यकर्मीहरु, सुत्केरी आमाहरु तथा २ वर्ष भित्रका बालबालिकाका आमाहरु गरी कुल २५ जनाको सहभागीता रहेको सामाजिक विकास र अनुसन्धान केन्द्रका फिल्ड सुपरभाइजर काजल यादवले बताउनु भयो । कार्यक्रमको सहजिकरण आयोजक संस्थाका फिल्ड सुपरभाइजर जिवछ दासले गर्नुभएको थियो ।
त्यस्तै, जनकनन्दिनी गाउँपालिका वडा नं. ४ खजुरीको स्वास्थ्य चौकीमा समेत स्तनपान सम्बन्धी कार्यक्रम सम्पन्न भएको छ । सो कार्यक्रममा पालिकाका स्वास्थ्य शाखा प्रमुख सिकिन्दर साहले स्तनपानको महत्वका विषयमा सहभागीहरुलाई जानकारी गराउनु भएको थियो । उहाँले पुर्ण स्तनपानका फाइदाहरुका विषयमा सहभागीहरुदलाई जानकारी गराउनु भएको थियो । नवजात शिशुको जन्म देखि ६ महिना सम्म अरु केहि पनि नखुवाई मात्र आमा दुध नै खुवाउदा शारीरिक तथा मानसिक स्वास्थ्य बलियो हुनेभएकाले कुनै पनि भ्रममा नपरि जन्म देखि ६ महिना सम्म नवजात शिशुको आहार मात्र आमाको दुध रहेको उहाँले सहभागीहरुलाई जानकारी गराउनु भयो ।

कार्यक्रममा महिला स्वस्थ्य स्वयंसेविका बबिता साह, चन्दा गुप्ता लगायतकाले मन्तवय राख्नु भएको थियो । ‘स्तनपानलाई प्राथमिकता दिऔँ, सहयोगी वातावरण निर्माण गरौँ’ नाराका साथ भएको सो कार्यक्रममा खजुरी स्वास्थ्य चौकीका इन्चार्ज मकेश्वर यादव,वरिष्ठ अहेब शालीग्राम साह, महिला स्वास्थ्य स्वयंसेविकाहरु , स्तनपान गराईरहेका महिलाहरु, आयोजक संस्थाका फिल्ड सुपरभाइजर राजकिशोर यादव लगायतको सहभागिता रहेको थियो । उक्त कार्यक्रमको संचालन संस्थाका फिल्ड सुपरभाइजर अनोज कापरले गर्नुभएको थियो । प्रत्येक वर्ष अगस्त एक देखि ७ सम्म विश्व स्तनपान सप्ताह मनाउने गरिन्छ ।