सामाजिक विकास र अनुसन्धान केन्द्रको साधारण सभा सम्पन्न

2 वर्ष पहिले प्रकाशित

Smrititimes

जनकपुरधाम
भदौँ १४ गते ।
बाल संरक्षण तथा महिला बालबालिकाका क्षेत्रमा काम गर्दै आएका सामाजिक विकास र अनुसन्धान केन्द्रको शुक्रबार ३३ औँ साधारण सभा सम्पन्न भएको छ । संस्थाका अध्यक्ष मञ्जु कुमारी यादवको अध्यक्षता तथा प्रदेश सांसद लखन दासको प्रमुख आतिथ्यमा भएको उक्त साधारण सभामा संस्थाले आर्थिक वर्ष २०८०–८१ मा गरेका कार्यहरुका बारेमा कार्यक्रम संयोजक बिबश श्रेष्ठले जानकारी गराउनु भयो । प्लान इन्टरनेसनल नेपालको सहयोगमा सस्थाद्वारा गत आर्थिक वर्ष संचालित सशक्त बालिका परियोजना अन्तरगत भएको कार्यहरुको बारेमा जानकारी दिदै उहाँले उक्त परियोजनाले अभिभाभवकहरुलाई जागरुक बनाई बालबालिकाहरुको समग्र विकासका लागि सक्रिय सहभागिता जनाई प्रारम्भिक बालविकासको महत्वका बारेमा जानकारी पाएको बताउनु भयो । सशक्त बालिका परियोजना अन्तरगत कुल बजेट एक करोड, ४ लाख ५२ हजार ७ सय ३९ मध्ये एक करोड ३ लाख ४५ हजार ९ सय ८८ रुपैया खर्च भएको तथा दलित महिला उद्यमशिल कार्यक्रम अन्तरगत ८ लाख ७३ हजार ४ सय ५० खर्च भएको परियोजना संयोजक श्रेष्ठले जानकारी दिनुभयो । परियोजना संचालन भएपछि स्वास्थ्यकर्मी तथा महिला स्वास्थ्यस्वयंसेविका मार्फत गर्भाबस्था देखि ३ वर्ष सम्मको शिशुहरुको स्याहार तथा उनिहरुको पोषण र सरसफाईका बारेमा अभिभावकहरुलाई जानकारी गराइएको कुरा साधारण सभामा भनिएको छ । संस्थाका संरक्षण पुर्व राज्यमन्त्री रामसिँह यावदको विशेष उपस्थितीमा भएको सो साधारण सभामा जनकनन्दिनी गाउँपालिकाका उपप्रमुख कमला सहगल, जिल्ला समन्वय समिति धनुषाका उपसभापति संगिता ठाकुर, गैरसरकारी संस्था महासंघका केन्द्रिय सदस्यद्वय रामचन्द्र साह तथा धिरेन्द्रबहादुर सिँह, अन्य गैर सरकारी संस्थाका प्रतिनिधिहरुले साधारण सभामा मन्तव्य राख्नु भएको थियो । गत आर्थिक वर्षमा संस्था द्वारा ३२ वटा स्थानमा बालबालिकाहरुको पोषणका लागि जाउलो बनाउने तरिका, दुई वटा स्वास्थ्इ चौकीमा बाल उत्प्रेरणा कक्ष संचालन, ५१ व्टा आमा समुह तथा अभिभावक शिक्षा समुहमा हात धुने स्थानको लागि बालटिन, साबुन, बाटा,जट, तौलिया लगायतका सामानहरु हस्तानान्तरण, सामुदायिक सहजकर्ताद्वारा प्रारम्भिक बालबिकारका लागि एक सय १८ वटा सामुहिक सम्बाद सत्र लगायतका कामहरु भएको कार्यक्रम संयोजक श्रेष्ठले जानकारी दिनुभयो । सो साधारण सभामा संस्थाका पदाधिकारी , कर्मचारी तथा अन्य अतिथीहरुको उपस्थिती रहेको थियो । साधारण सभाको संचालन संस्थाका फिल्ड सुपरभाइजर जिबछ दासले गर्नुभएको थियो । सशक्त बालिका परियोजना धनुषा जिल्लाको बिदेह नगरपालिका वडा नं. ३,५,७ र ९ तथाा जनकनन्दिनी गाउँपालिकाको वडा नं.३,४ र ६ मा संचालित छन् ।